Փաստ ինֆո

Մինչև հրաժարականը, մինչև նոր հրամանատարի ընտրությունը, այլևս հապաղելու ժամանակ չունենք։ Վատնած յուրաքանչյուր վայրկյանը համարվում է հանցավոր անգործության դրսևորում։ Հրդեհաշիջման ռեժիմով ամեն րոպեն պետք է ներդնել Հայաստանի հանրապետությանը վերակենդանացնելու, վերակառուցելու սուրբ գործի համար։

Ով ինչով կարա՜, ով ինչքան կարա՜։

Մեր՝ Կորոնավիրուսի տնտեսական և սոցիալական հետևանքների չեզոքացման արդյունավետ միջոցառումների կոչերին և հորդորներին չարձագանքեցիք, «ձեր էշը քշեցիք», չհասկացաք, չընդունեցիք, չգիտակցեցիք, իսկ հետո համոզվեցիք, որ մենք ճիշտ էինք։ Բայց արդեն ուշ էր։

Հաշվի առնելով անցյալի դառը փորձը, ղեկավարվելով ՀՀ Սահմանադրության երկրորդ հոդվածով ինձ վերապահված լիազորությամբ, Այն է․ - «Հայաստանի Հանրապետությունում իշխանությունը պատկանում է ժողովրդին», հանդիսանալով ժողովրդի մասինկը, առաջնորդվելով «Մենք ենք տերը մեր երկրի» սկզբունով՝

ՀԱՆՁՆԱՐԱՐՈՒՄ ԵՄ

Իմաստազուրկ արդարացումներ, ուղերձներ, ճառեր, կոչեր արտասանելու փոխարեն կանխե’ք տնտեսության սրընթաց փլուզումը։

Մասնավորապես`

1․ Անհապաղ սկսեք երկխոսություն բիզնեսի հետ։

2. Գայթակղիչ առաջարկությունների փաթեթ դրեք պոտենցիալ ներդրողների սեղանին։

3․ Խրախուսեք արտահանմանը միտված արտադրությունների ընդլայնումը, արտոնություններ սահմանեք նրանց համար։

4․ Ներմուծվող ապրանքները տեղական արտադրանքով փոխարինումը խրախուսելու նպատակով արտոնություններ սահմանեք նոր ձեռնարկությունների բացման համար։

5․ Խրախուսեք առաջին անհրաժեշտության ապրանքների արտադրությունը, հասեք ինքնաբավության մակարդակի, ապահովեք պարենային անվտանգությունը։

6. Կիրառեք տնտեսական դիվանագիտության բոլոր հնարքները, նոր շուկաներ հայտնաբելելու, իսկ եղածն ընդլայնելու համար։

Չինական ասացվածքն ասում է․ - « Ծառ տնկելու լավագույն ժամանակը 20 տարի առաջ էր։ Հաջորդ լավագույն ժամանակը հիմա է»

Հաջորդ լավագույն ժամանակը հիմա է տնտեսության հետևյալ ճյուղերի զարգացման համար․

1․ Գյուղատնտեսություն

2․ Բարձր տեխնոլոգիաների արտադրություն

3․ Ներգնա տուրիզմ

4․ ՏՏ ծառայությունների արտահանում

Աուդիտորների Պալատի նախագահ՝

       Նաիրի Սարգսյան

Աղբյուր` Փաստինֆո