Փաստ ինֆո

Պատերազմը տանուլ տալուց հետո տենց աթոռից կառչելն ամոթ է։ Գնա, կգան մարդիկ, որոնք այս իրավիճակից լուծում կարող են գտնել։ ԱԺ-ում լրագրողների հետ զրույցում այս մասին ասաց «Բարգավաճ Հայաստան» խմբակցության պատգամավոր Գևորգ Պետրոսյանը։

«Իրան առանձնապես չեմ սիրում, բայց ինքն է մեր երկիրը ներկայացնում։ Ալիևի նման փալասն իր վրա խնդում է։ Էդ մարդը ո՞նց է գնալու բանակցելու։ Հիմա ես պահանջում եմ Նիկոլ Փաշինյանից որպես գերագույն շինծու, ինքնահռչակ հրամանատար, մի կոնկրետ միջոցառում վկայակոչի կոնկրետ ռազմագերիների վերադարձման և մեր զոհված, հերոս երեխաների դիերը փոխադրելու վերաբերյալ։

Հիմա կսկսի էլի ասել, որ բանակցում են։ Հերիք ա, զզվել ենք արդեն, էս ամբիոնը հեքիաթ պատմելու տեղ չի։ Ռազմական դրությունը շարունակում են պահել, որ երկարաձգեն Նիկոլ Փաշինյանի իշխանությունը։ Իրենք վախենում են հենց իշխանությունը կորցնեն, միանգամից սահմանադրական կարգի մի քանի տապալման համար հենց Նիկոլ Փաշինյանին դատելու են։ Եթե Նիկոլ Փաշինյանը Հայաստանից հեռանա էլ, մեկ ա իրան գտնելու են»,-ասաց պատգամավորը։

Գևորգ Պետրոսյանն ընդգծեց՝ երբ ԱԺ պատգամավորը երդվում է, ոչ թե երդվում է ծառայել Նիկոլ Փաշինյանին, այլ ծառայել Հայաստանի Հանրապետությանը։ Պատգամավորը նկատեց՝ վարչապետը սովորություն ունի ցանկացած լավ բան իրեն վերագրի, իսկ վատ բաները ընդդիմության վրա բարդի. «Սրբիչի գործարանի, տարբեր հիմնարկների բացմանը գնում էր, ժապավեն էր կտրում, լավաշ էր մորթում, ուտում, էդ ժամանակ հայտնի չէր՝ Ծառուկյանն ինչ է»,-ասաց Գևորգ Պետրոսյանը։

Աղբյուր` Փաստինֆո