Փաստ ինֆո

«Սեյրան Օհանյանը այն ունիկալ մարդկանցից է, որը հետապնդվում է և Ադրբեջանի, և Հայաստանի իշխանությունների կողմից, իմ կարծիքով նույնիսկ այս օրերին նրա հանդեպ տեղի ունեցողը հետապնդում է։ Ոչ միայն նրա, այլ մարդկանց, որոնք արցախյան հաղթանակում մեծ ներդրումներ են ունեցել և որոնք դատվում են սահմանադրական կարգի տապալման գործով, պետք է անհապաղ ազատել կալանքից և կարճել դատական գործը»,- այս մասին մամուլի ասուլիս ժամանակ ասաց մեդիափորձագետ Տիգրան Քոչարյանը՝ անդրադառնալով մամուլում շրջանառվող այն տեղեկություններին, թե Սեյրան Օհանյանին Բաքվում կալանավորելու որոշում են կայացրել։ 

Մեդիափորձագետի կարծիքով, տպավորություն է ստեղծվել, որ Ադրբեջանի և Հայաստանի իշխանությունները այս ուղղությամբ էլ են միասին աշխատում։

«Այնպիսի տպավորություն է, որ իրենց հանդեպ երկար ժամանակ քեն կա և վրեժ է լուծվում բոլոր այն մարդկանցից, որոնք պատերազմում հաղթանակ են տարել։ Ինձ համար նույնիսկ զարմանալի է Վազգեն Սարգսանի արձանը Շուշիից չտարհանելը։ Կարող էին անել դա, եթե գիտեին, որ հանձնվելու է կամ գիտեին, որ ադրբեջանցիները գալիս են այդ ուղղությամբ՝ ուղղակի դուրս գալուց պետք է պայթացնեին։ Այնպիսի տպավորություն է, որ արձանը պետք է մնար ու պղծվեր, որպեսզի որոշ մարդիկ դրանից հաճույք ստանային»։
Մեդիափորձագետը նշեց, որ ունենք մի իշխանություն, որը կամ պատրաստ է, կամ ստիպված է անել ամեն ինչ, ինչը իրեն կասվի, որով և շարունակվում է կապիտուլյացիոն հոգեբանությունը։

«Չգիտեմ էլ ինչ պետք է պահանջեն։ Ադրբեջանը տեսնում է, որ ճնշել է և փորձում է զարգացնել ճնշումը։ Մեր բնակչությանը հանում են այնպիսի գյուղերից, որտեղից չպետք է հանեին։ Օրինակ՝ Քարվաճառի շրջանի Չարեկթար գյուղը, որը պետք է դատարկվի վաղը, Խորհրդային միության քարտեզում եղել է ԼՂԻՄ –ի տարածքում գտնվող գյուղ։ Ինչի՞ են պարտադրում, որ բնակիչները դուրս գան»։

Քոչարյանի կարծիքով՝ վարչապետը պետք է հրաժարական տա, բայց եթե դա չկատարվի, պետք է բանակցողը փոխվի։ Նիկոլ Փաշինյանը ոչ մի բարոյական իրավունք չունի որևէ բանակցություն անի, քանի որ ինքը պարտված է։

«Շատ արագ պետք է մարդիկ նստեն, որպեսզի կարողնան ճիշտ բանակցություն վարեն, եղածը կարողնան պահել։ Արցախի տարածքների համար մեծ բանակցություն պետք է գնա, որպեսզի հասկանան՝ ինչը կարելի է հետ բերել, ինչը՝ ոչ։ Այս իշխանություններով դա անելը անհնար է։ Ինձ համար զարմանալի է Փաշինյանի հաստակաշիությունը, որը պետք է փորձի Ալիևի հետ բանակցի այն տեսանյութից հետո, երբ Ալիևը ուղղակի ձեռք է առնում Փաշինյանին»,- ասաց Քոչարյանը։

Աղբյուր` Փաստինֆո