Փաստ ինֆո

Այստեղ խնդիրը նախարարների փոփոխությունը չէ, Նիկոլ Փաշինյանը իր ողջ արժեքային համակարգով և ծրագրերով պետք է հեռանա,- «Փաստինֆո»-ի հետ զրույցում ասաց ՀՅԴ ԳՄ անդամ Լիլիթ Գալստյանը՝ անդրադառնալով սուպերնախարարի պաշտոնից Արայիկ Հարությունյանի պաշտոնանկությանը։

Նկատենք՝ Արցախի տարածքները ադրբեջանցուն հանձնելուց հետո Փաշինյանի հրաժարականի պահանջներին ի պատասխան՝ վերջինս կադրային փոփոխություններ է կատարում կառավարությունում՝ զոհաբերելով նաեւ նրանց, որոնք անվերապահորեն կատարել են իր բոլոր հրահանգները, նրանց թվում՝ Արայիկ Հարությունյանին։

«Այստեղ խնդիրը նախարարների փոփոխությունը չէ, Նիկոլ Փաշինյանը իր ողջ արժեքային համակարգով և ծրագրերով պետք է հեռանա:Նրա յուրաքանչյուր օրը իշխանությունում նոր աղետ և նոր ողբերգություն է Հայաստանի համար, շատ լավ կլիներ, որ Նիկոլ Փաշինյանը և իր թիմը զբաղվեր Արցախի անվտանգության հարցերով, որ թուրքը գիշերով չմտնի հայկական բնակավայրեր ու ասի՝ դուրս եկեք կամ դուք գերի եք»,-ասաց Լիլիթ Գալստյանը՝հավելելով, որ Նիկոլ Փաշինյանը պետք է հեռանա և քաղաքական պատասխանատվության առաջ կանգնի.

Փաշինյանի թիմը նույնպես պետք է պատասխանատվության առաջ կանգնի, քանի որ լռությամբ հանդուրժում է այս ամենը՝ հավասարապես կիսելով պատասխանատվությունը:

Ինչ վերաբերում է նորանշանակ նախարարին՝ Վահրամ Դումանյանին, Լ.Գալստյանը նկատեց. «չեմ ուզում գնահատականս գնա անձնական դաշտ, բայց սրանք հոգեվարքի մեջ գտնվող իշխանության վերջին ճիգերն են, սեփական թիմում զոհաբերություններ տալով Փաշինյանը դավաճանի կնիքը և պատասխանատվությունը չի կարող փոխել»:

Աղբյուր` Փաստինֆո