Փաստ ինֆո

Մեկ այլ բան է պարտվել արդար կռվում, մեկ այլ բան է, երբ քեզ քո ղեկավարությունը տանում է դեպի պարտության։ Այս մասին մամուլի ասուլիսի ժամանակ ասաց «Հայաստան» համահայկական հիմնադրամի նախկին տնօրեն, քաղաքագետ Արա Վարդանյանը։

Վերջինս նկատեց՝ ղեկավարությունը Հայաստանի Հանրապետությունը և Արցախի Հանրապետությունը, տարան դեպի դավադիր պարտության. «Մովսես Հակոբյանը բոլորիս ասաց, որ ցավոք սրտի, մեր երկրի իշխանություններն արել են ամն հնարավորը, որ պարտվենք այս պատերազմում։ Կասկած չունեմ, որ նրա իր ասածների հիման վրա պետք է բազմաթիվ քրեական գործեր հարուցվեն, և բոլորը պատասխան տան»,-ասաց Արա Վարդանյանը։

Նա նշեց՝ պետք է հասկանանք, թե ով է իրականում երկրի վարչապետը՝ Նիկոլ Փաշինյա՞նը, թե՞ Աննա Հակոբյանը. 

«Երկու դեպքում էլ դժբախտություն է։ Մենք պետք է հասկանանք, որ այս պարտությունը չվերջացավ միայն այդ պարտությունով։

Այսինքն՝ սա սկիզբ է նոր պարտությունների, եթե այս իշխանությունը մնա։ Մեր ժողովուրդը պետք է հասկանա, որ ամբողջ աշխարհի աչքերն այսօր սևեռված են Հայաստանի ժողովրդի վրա և ամբողջ աշխարհը հետաքրքրությամբ հետևում է, թե արդյոք հայոց ազգը պատրաստ է հանդուրժել պարտված իշխանությանը»,-նշեց Արա Վարդանյանը՝ ընդգծելով, որ Նիկոլ Փաշինյանին սատարելով, աշխարհին մեսիջ ենք հղում, որ հայ ազգը պարտվող ազգ է, պարտությունը հանդուրժող ազգ է և այդպես խայտառակ ենք լինում ամբողջ աշխարհով։

Աղբյուր` Փաստինֆո