Փաստ ինֆո

Ռազմական բժիշկ, ազատամարտիկ Տարոն Տոնոյանն այսօր մի շարք հարցեր է ուղղել ՀՀ վարչապետ Նիկոլ Փաշինյանին՝ նրան մեղադրելով պատերազմի իմիտացիայի համար։

«Ես ուզում եմ հարց ուղղել այդպես էլ չկայացած վարչապետ, դեղին մամուլի էջերի վարպետ Նիկոլ Փաշինյանին։ Պատասխանեք ԶՈՒ ԳՇ նախկին պետ Մոսիի հարցերին, անպատասխան մի թողեք, մենք սպասում ենք դրանց։ Դուք պատասխանեք Հանրապետության նախագահ Արմեն Սարգսյանին, նա ձեր հրաժարականն է ուզում։ Պատասխանեք այն հարցին, թե ՌԴ նախագահը պարզ ասում է, որ Շուշիի հարցը երբեք քննարկման հարց չի եղել, իսկ Շուշին այսօր մեր ձեռքում չէ»,- Ազատության հրապարակում համազգային հանրահավաքի հայտարարել է ռազմական բժիշկ, բժիշկ-ազատամարտիկ, ՀՅԴ ԳՄ անդամ Տարոն Տոնոյանը։

Տոնոյանը նախ հիշեցրեց՝ ԱԺ փոխնախագահ Լենա Նազարյանի հայտարարությունը Շուշիի մասին, ապա ընդգծեց՝ սա կոչվում է պատերազմի իմիտացիա։

«Ես մեղադրում եմ իրենց պատերազմի իմիտացիայի համար։ Ի՞նչ տեղի ունեցավ։ Մեզ ամենավտանգավորն են համոզել։ Սիրելի ժողովուրդ, հրապարակում հավաքված, Արցախում, Սփյուռքում, հիշեք, մենք հաղթող ժողովուրդ ենք, պարտվողը Նիկոլն է իր մանկապարտեզ թիմով։ Ամենավտանգավորն այն է, երբ մեզ փորձում են համոզել, որ պարտությունն անխուսափելի էր։ Պետք է ասեմ՝ ոչ, հնարավոր էր, վստահ եմ, եթե չունենայինք այս հիմար ինքնաթիռները, որ այդպես էլ օդ չբարձրացան, եթե ունենայինք հակաօդային պաշտպանության միջոցներ, գնեինք դրան, մենք պատերազմը կհաղթեինք»,- ասաց Տոնոյանը՝ հիշեցնելով, որ ամենածանր հարձակումների ժամանակ մենք մի քանի դիրք են հանձնել, մի քանի հարյուր մետր նահանջել Ջաբրայիլից։

Տոնոյանը հետաքրքրվեց՝ ով բացեց Հադրութի թիկունքը, ինչու՞ Ջաբրայիլից մինչև Իշխանաձոր մնաց դատարկ, դափ-դատարկ, ով է դրա պատասխանը տալու, թե որտեղից դիվերսիոն խմբեր սողոսկեցին։

Նրա խոսքով՝ Փաշինյանը բեկում մտցնելու հույս ուներ՝ իշխանությունը պահելու համար, մինչդեռ այդ ընթացքում թույլ տվեց ամենակոպտագույն սխալները։

Աղբյուր` Փաստինֆո