Փաստ ինֆո

«Առաջին խնդիրը, որ նոր որակի իշխանությունը պետք է իրականացնի՝ Հայաստանի արժանապատվության վերականգնում է, արտաքին այնպիսի քաղաքականությունը, որը կբացառի պատերազմը՝ հակառակ այն բանի, որ եթե Նիկոլ Փաշինյանը շարունակի պաշտոնավարել, մեր ժողովրդին սպասվում են նոր պատերազմներ, արհավիրքներ»,- այս մասին Ազատության հրապարակում հանրահավաքի ժամանակ հայտարարեց Դաշնակցության գերագույն մարմնի անդամ Արծվիկ Մինասյանը՝ ներկայացնելով մի քանի թեզ՝ թե ինչ պետք է անի նոր իշխանությունը։

«8 ամսվա մեջ Նիկոլ Փաշինյանն «ապահովեց» 8 հազար զոհ՝ հայ երիտասարդ մարդիկ զոհվեցին ռազմաճակատում, կորոնավիրուսից, և սրա թիվ մեկ մեղավորը Փաշինյանն ու կառավարությունն է։ Բոլոր այս հանցագործները պետք է կանգնեն դատարանի առաջ՝ կրեն պատասխանատվություն, որպեսզի բացառենք հետագայում որևէ ազգադավ իշխանության գոյություն մեր երկրում»։

Հաջորդ ուղղությունը, որ նոր իշխանությունն ըստ Մինասյանի պետք է անի՝ ողնաշարտը կոտրված տնտեսության վերականգնումն է, աշխատատեղերի ստեղծումը, եկամտի, զբաղվածության ապահավումը. «Ոչ թե այսօրվա նման՝ մարդկանց լցրել են տները, արգելել են դուրս գալ, բարձրաձայնել խնդիրների մասին։ Այս և բազմաթիվ հարցեր նոր կառավարության անելիքն է՝ հակառակ դեպքում արտաքին պարտքի տակ ճկռելու է, չի կարողանալու դուրս գալ այս ամենի տակից»- ասաց Մինասյանը։

Հաջորդ ուղղությունը՝ սոցիալական աննորմալ համակարգը հեղափոխելն է։ Բազմահազար սոցիալական անապահովներին այսօր միացել են ճակատում վիրավորված, հաշմանդամ դարձած, զոհվածի ընտանիք հանդիսացող անձնանց սոցիալական ապահովումը։ Ըստ Մինասյանի պետք է բացահայտվի, ամեն ջանք գործադրվի, որ անհայտ կորածների ճակատագիրը պարզվի։

«Ես տեսնում եմ, որ նախարարությունից ուղարկում են կարմիր խաչ ու հակառակը։ էս կառավորությունը ու էս մարդիկ չեն հասկանում, որ մարդիկ՝ կոտրված մեջքով, իր վշտի մեջ փորձում է վերադարձնել իր արժանապատվությունը՝ զավակից մեկ լուր իմանալ, ու դրա փոխարեն անամոթաբար հայտարարում են, որ եթե ավելի վաղ համաձայնեին՝ մեզ կմեղադրեին Շուշին հանձնելու մեջ։ Մեր զավակներին կոտորել եք տալիս, որ հետո փիառ անե՞ք, թե իբր կռվելով ենք հանձնել։ Դուք մա՞րդ եք, թե անասուն»։

Աղբյուր` Փաստինֆո