Փաստ ինֆո

Ռազմական իրավիճակը, լրատվականների սահմանափակումները եղել է միակողմանի և փորձ է արվել կոնկրետ ինֆորմացիա սերմանել ժողովրդի մեջ:Սա շատ լավ հնարավորություն էր Փաշինյանի և իշխանության համար, որպեսզի կարողանային 44 օր խաբել ժողովրդին, բերել մի դաշտ, որտեղ պարտության և կապիտուլյացիայի պատասխանատվությունը դրվեր ժողովրդի վրա,-այս մասին «Փաստինֆո»,-ի հետ զրույցում ասաց քաղաքական հոգեբան Միհրդատ Մադաթյանը՝ վերլուծելով պատերազմի օրերին պետական մարմինների կողմից իրականացված տեղեկատվական քաղաքականությունը։

Նշենք, որ խոսքի ազատությունը սահմանափակելով պետական մարմինները պարբերաբար տեղեկատվություններ էին տարածում դասալքության, դավաճանության մասին, իսկ Փաշինյանն էլ՝ Հայաստանում ապրող հայությանը համարեց «անթասիբ»։

Հոգեբանի դիտարկմամբ՝ պատերազմի ողջ ընթացքում փորձ է արվել ժողովրդին մեղադրել նրանում, ինչ լինելու է վաղը, սկսած վարչապետի ՝ինչ էլ լինի մենք մեզ պարտված չենք համարելու արտահայտությունից, որը վարչապետը ասել է պատերազմի դեռևս առաջին օրերին, երբ որ պարտության մասին դեռևս ոչ մի խոսք չկար.

«Ինչևիցե այս ամենը միտում ուներ իշխանություն պահելու, այլ ոչ՝ երկիր պահելու:Այսքանից հետո ինձ մոտ տպավորություն է, որ հայրենիքը մատնելու գործընթացը մտադրված էր արվում»,-մեզ հետ զրույցում ասաց Միհրդատ Մադաթյանը:

Անդրադառնալով պատերազմի ընթացքում վարչապետի և իրավապահ մարմինների կողմից դասալքության դեպքերի վրա շեշտադրումներին՝ հոգեբանը նկատում է, որ դասալքության դեպքեր եղել են միշտ.

«Վարչապետը ասում է՝ դասալիքները պետք է պարսավանքի արժանանան, առաջին պարսավանքի արժանացողը հենց ինքը պետք է լինի, որ 92թ-ին օրհասական վիճակում բանակից փախավ, ինքը դասալքությունից խոսելու իրավունքը ընդհանրապես չունի:Մարդու հոգեբանություն է, ամեն մարդ զինվոր չի, շատ մարդիկ կարող են վախենալ կամ փախչել:Սպարապետը 90-ականներին ստեղծեց կանոնավոր բանակ և ֆիդայական խմբերը վերացրեց, սա հենց նրա համար էր, որ գնահատվի մարդու հերոսականության աստիճանը և այն մարդը, ով կարողանում էր պայքարել առաջնագիծ տարվի, իսկ ով վախենում էր՝ տարվի երրորդ գիծ:Իսկ այս պատերազմում մոբիլիզացիա չի եղել, վարչապետն ասում էր՝ ամեն գյուղապետ թող խմբեր հավաքի, գնա առաջնագիծ, բայց ո՞նց են գնահատել այդ մարդկանց մարտունակությունը, կան մարդիկ, որ իսկապես ցանկացել են գնալ և պայքարել, բայց տեղում պարզվել է որ ի վիճակի չեն, մարդկանց մեղադրելու չի, սա հոգեբանությունն է, պարտադիր չի 3 մլն հերոս ունենանք»,-ասաց Մադաթյանը:

Գնահատելով վերջին շրջանում Նիկոլ Փաշինյանի քայլերը, ելույթներում հնչեցրած արտահայտությունները՝ հոգեբանը նկատում է, որ վարչապետը իր բնույթով կազմակերպվածության աստիճան չունի, խոսքի պատասխանատվություն չի ընկալում.

«Այս մարդուն փողոցը և բարձրախոսը դարձնում է այլ բնույթի մարդ:Նա բազմիցս է արել անպատասխանատու արտահայտություններ՝ԱԺ-ից խոսել է գազի մասին, կարմիր գծերի մասին, սակայն պարզվել է որ այդպես չի, այս մարդը պատասխանատու չէ իր խոսքի համար:Սա եղել է միշտ, նույն ձևով նա Մարտի 1 է կազմակերպել՝ մարդկանց էմոցիաների հետ խաղալով: Իր ագրեսիվ արտահայտությունները հուշում են, որ իրավիճակի միակ մեղավորը ինքն է և իր շրջապատը»:

Դիտարկելով նաև Նիկոլ Փաշինյանի գրառումը, որով կոչ էր անում զինվորականներին գալ և վերջնականորեն լուծել պատերի տակ վնգստացողների հարցերը՝ Միհրդատ Մադաթյանը ասաց.

«Ես Արցախում ՔՊ-ական կամ նրանց հարող կռվողների չեմ հանդիպել, մեծամասամբ սահմանները պահում էին ոչ խորհրդարանական ընդդիմադիրները, այն մարդիկ, որոնց այսօր ձերբակալում են:Մադիկ, որոնք այս ընթացքում քննադատել են կառավարությանը վերցրել են զենքը և գնացել են հայրենիքը պահելու, այս մարդիկ չէին գալու և կանգնելու Փաշինյանի կողքին, քանի որ նրանք էին պահանջում վարչապետի հրաժարականը»:

Հոգեբանի խոսքով՝վարչապետը ցինիկ և շահ հետապնդող հոգեվիճակ ունի այսօր և պետականամետության ոչ մի գաղափար չի երևում իր խոսքի մեջ, շարունակում է ժողովրդին բաժանել երկու խմբի, քանի որ այս դեպքում նրան հեշտ կլինի իշխելը և հրահրելը:

« Վարչապետը ակտիվորեն փորձում է քաղաքացիական բախումներ հրահրել, նրա միակ խնդիրը աթոռից կառչած մնալն է:Նրա գիտակցության մեջ իշխանությունը, կառավարությունը «լափաման» է, ոչ մի ուրիշ ուժ իշխանությունը չի դիտարկել որպես «լափաման»։ Այսօր Նիկոլ Փաշինյանը չի ուզում կտրվել դրանից»,-ասաց Միհրդատ Մադաթյանը:

Դառնալով պաշտոնանկություններին՝ հոգեբանը նշեց, որ ի դիտարկմամբ՝ Նիկոլ Փաշինյանը իր ելույթներով, գրառումներով և նախարարներին հեռացնելով փորձում է շոուն ապահովել:

«Մարդիկ ուրախանում են, որ նախարար փոխվեց, բայց սրանով նա փորձում է բավարարել մարդկանց, որպեսզի մնա իր աթոռին կպած»,-ասաց Մադաթյանը:

Աղբյուր` Փաստինֆո