Փաստ ինֆո

Քաղաքական պայմանագիրը, որը կնքված է, բարդ հետևանքներ է ունենալու Հայաստանի Հանրապետության, հայ ժողովրդի համար։ Յուրաքանչյուր գիտակից քաղաքացի պետք է բարձրացնի բողոքի ձայնը՝ կապված այս դավաճանական գործողությունների հետ։ «Նիկոլ հեռացիր» ակցիայի ժամանակ հայտարարել է ԱԺ աշխատակազմի նախկին ղեկավար Արա Սաղաթելյանը, որին բերման են ենթարկել։

Նրա խոսքով՝ յուրաքանչյուր քաղաքացի պետք է դուրս գա փողոց և իր քաղաքացիական դիրքորոշումն արտահայտի, քանի որ հերիք չէ այն, որ քաղաքական պայմանագիրը, որը կնքված է, ունենալու է նաև շատ բարդ հետևանքներ՝ ՀՀ համար և հայ ժողովրդի համար, որովհետև դեռ գալիք դժբախտությունները, դրանց թվում՝ Ադրբեջանի կողմից միջազգային դատարաններում ներկայացրած հարցերը բերելու է նրան, որ այս ժողովուրդն ապրելու է դժբախտ և թշվառ։

Սաղաթելյանը կոչ արեց քաղաքացիներին՝ բոլորին դուրս գալ փողոց և հասնել նրան, որ վարչապետի աթոռն ապօրինի զբաղեցրած Նիկոլ Փաշինյանը հրաժարական տա, ձևավորվի ժամանակավոր կառավարություն և ստեղծվի իրավիճակ, որ մասնագետները կարողանան շտկել ինչ հնարավոր է՝ կնքված փաստաթղթից։

Նշենք, որ Երևանի տարբեր փողոցներում երթևեկությունն այսօր կաթվածահար է եղել։ Քաղաքացիներն ակցիա են իրականացրել՝ պահանջելով կապիտուլյացիոն հայտարարություն ստորագրած և Արցախի հողերը Ադրբեջանին հանձնած Նիկոլ Փաշինյանի հրաժարականը։ Ընդ որում՝ ակցիաները տեղի են ունեցել ոչ միայն կենտրոնում, այլ նաեւ Երեւանի այլ վարչական շրջաններում։ Արա Սաղաթելյանը ու մի շարխայլ մտավորականներ, վերլուծաբաններ ակցիային մասնակցել են Բաղրամյան պողոտայում։

Աղբյուր` Փաստինֆո