Փաստ ինֆո

Ֆեյքերի դեմ պայքարի նպատակով «Կառավարության տեղեկատվական-վերլուծական կենտրոն» ՊՈԱԿ-ի շենքի մոտ ակցիա էր կազմակերպվել: Ակցիայի պահանջն է դադարեցնել իրականացվող ապազգային և հակապետական գործողությունը, հակառակ դեպքում, հավատացնում են, որ պատասխանատվությունը լինելու է շատ խիստ, պատիժն անխուսափելի է։

«Քաղաքական այս իրավիճակում իմ համար կա մեկ հարց՝ Նիկոլ Փաշինյանը անհապաղ հեռանա զավթած պաշտոնից։ Այս մարդը խաբել, ստի ու կեղծիքի հիման վրա եկելա իշխանության, հիմա ասումա էս իմնա՝ դա ոչ քո հերը, ոչ քո պապին է կտակ թողել, դա ժողովուրդն է տվել և այսօր պահանջում է հեռանաս»,- այս մասին ՊՈԱԿ-ի շենքի մոտ հայտնեց «Ֆեյք հեղափոխություն» նախաձեռնության ղեկավար Արսեն Նիկողոսյանը ։ Նա շենքի մոտ ծաղկեպսակ դրեց՝ նշելով, որ համարում են, թե թաղել են ֆեյքերի ՊՈԱԿ-ը։

«Երեկ հանրահավաքի ժամանակ տեսանք, ոնց եղել է դասալիք, վախկոտ, նույն ձև այս տասնյակ հարյուրավոր զինվածների հետ եկել էր հրապարակ եսիմինչ կոչեր էր անում։ Ուղիղ 2,5 տարի Ֆեյքերի ՊՈԱԿ-ը՝ Հովոյի գլխավորությամբ, Ալեն Սիմոնյանի հովանու ներքո որոշ հաստագլուխ օլիգարխների կողմից ֆինանսավորվել է, հարկատուների հաշվին ֆինանսավորվել են, կերակրել են էս հիմարներին ու նրանք ուղիղ իմաստով վիրավորել են ՀՀ քաղաքացիներին»։

Նախաձեռնության ղեկավարը կոչ արեց մինչև ժամը 23.00-ն դադարեցնել ֆեյքային գրոհները, հակառակ դեպքում իրենք ֆեյքերով զբաղվողների նկարներ են հրապարակելու։ Նշեց, որ աշխատակիցների 90 տոկոսը աղջիկներ են, նրանց ծնողներին զգուշացրեց, որ հանրությանը նրանց հատ հատ ներկայացնելու են անունները։

«Ներկայացնելու ենք ովքեր են այս 44 օրվա ընթացքում Հաղթելու ենք հեշթեգով խաբել ՀՀ քաղաքացիներին»։

Նիկողոսյանը տեղեկացրեց, որ ըստ իր տեղեկությունների ՊՈԱԿ-ում աշխատաել է 250-300 անձ՝ ֆեյքերի քանակը գերազանցել է 800-ը։

«Ունենք տվյալները, ովքեր են հայհոյանք գրում։ Թող ոչ ոք չմտածի, որ պատասխանատվությունից խուսափելու է»,- ասաց Նիկողոսյանը։

Աղբյուր` Փաստինֆո