Փաստ ինֆո

Եթե գնայինք ճիշտ համալրման, այդ պարագայում հնարավոր կլիներ կանգնեցնել թշնամուն, և նա ոչ մի մետր առաջ չէր գա,- «Փաստինֆո»-ի հետ զրույցում ասաց Ազգային անվտանգություն» կուսակցության նախագահ Գառնիկ Իսագուլյանը:

Ինչպես արդեն տեղեկացրել ենք, քիչ առաջ իր ասուլիսի ընթացքում սենսացիոն հայտարարություններով հանդես եկավ ռազմական վերահսկողական ծառայության նախկին պետ Մովսես Հակոբյանը՝ նշելով, որ 2018թ մայիսից հետո պատերազմող երկրում իրականացվել է զինված ուժերի օպտիմալացում, որի արդյունքում կրճատվել է բանակի մարտավարական հինգ գունդ: Մովսես Հակոբյանը նաև նշել է, որ պատերազմի երրորդ օրը վարչապետը կանգնեցրել է բանակի լրահամալրումը և զորահավաք չի եղել:
Այս առիթով «Փաստինֆո»-ն զրուցել է ԱԱԾ նախկին աշխատակից Գառնիկ Իսագուլյանի հետ, վերջինս էլ ասաց, որ եթե համալրումը տեղի ունենար, հակառակորդը առաջ չէր կարողանա գալ և պարտություն չէինք կրի. «Երկրի ղեկին նստած է մարդ, որը ոչ միայն դավաճան է, այլ՝ թշնամի, եթե համալրումը տեղի ունենար, հակառակորդը առաջ չէր կարողանա գալ, մարդը դրա համար էլ կանգնեցրել է համալրումը:Սա միանշանակ կարող է դիտվել հաղորդում հանցագործության մասին:Կանգնեցնում ես բանակի համալրումը օրինական ճանապարհով և կնոջդ միջոցով աշխարհազոր ես ուզում հավաքել»,-ասաց Գառնիկ Իսագուլյանը:

Վերջինիս խոսքով՝ եթե պետության ղեկավարը նման որոշում է կայացնում, դա դավաճանություն է, և սրա արդյունքում մենք պարտվել ենք, այն ինչ կարող էր հաղթանակ լինել, դարձավ պարտություն.

«Ես հիմա քրեական օրենսգրքի հոդվածները չեն կարող ասել, բայց սա պետական դավաճանություն է , այն ինչ արել են իշխանությունները դրանք առնվազն պետական դավաճանության մեջ են մտնում »,-ասաց Իսագուլյանը՝ հավելելով, որ նախնական դավաճանական քայլերը, որ արվել են քայլ առ քայլ 2.5 տարիների ընթացքում, հանգեցրել են պարտության.

«Եթե գնայինք ճիշտ համալրման, այդ պարագայում հնարավոր կլիներ կանգնեցնել թշնամուն, և նա ոչ մի մետր առաջ չէր գա, բայց ես վստահ եմ, նույնիսկ սա է մտածված արել, մտածված թույլ չեն տվել, որ զորահավաք տեղի ունենա, այդ ընթացքում մոգոնել են իրենց աշխարհազորը, և դա հանգեցրել է պարտության:Այսինքն պարտության մեջ հիմանական մեղավորը, դավաճանը դա վարչապետ Նիկոլ Փաշինյանն է, և սրա համար պետք է պատասխան տա»,-ասաց նա:

Գառնիկ Իսագուլյանը մեզ հետ զրույցում պնդեց, որ վարչապետին շտապ պետք է հրավիրել հարցաքննության և պարզել՝ինչու է գնացել դավաճանության.

«Սա պետական դավաճանություն է, ճիշտ է մեզ մոտ գնդակահարությունը որպես պատժի միջոց չի կիրառվում, բայց պետք է այս օրենքը փոխել, հետադարձ ուժ տալ, պատերազմի ժամանակ ցանկացած հանցանք վաղեմության ժամկետ չունի և դավաճանները պետք է գնդակահարվեն:Որքան էլ հերքեն, սրա վերաբերյալ փաստաթղթեր և ձայնագրություններ կան»,-ասաց զրուցակիցը:

Ավելացնենք նաև, որ դատախազությունից հաղորդել են, որ գեներալ-գնդապետ Մովսես Հակոբյանի կողմից տրված մամլո ասուլիսի տեսագրությունն ուղարկվել է ՀՔԾ՝ուսումնասիրության:

Աղբյուր` Փաստինֆո