Փաստ ինֆո

Այս պահին քաղաքացիներն ակցիա են իրականացնում Օրբելի փողոցում՝ ընդդեմ ֆեյսբուքյան ֆեյք օգտատերերի: Ակցիան համակարգող ակտիվիստ Մանուել Մանուկյանը նշեց, որ ուղիղ 2.5 տարի կառավարվել է ֆեյբուքյան ֆեյք աշխարհ: Մանուել Մանուկյանի խոսքով՝ ղեկավարները եղել են Ալեն Սիմոյանը, Տարոն Չախալյանը, Ստյոպա Սաֆարյանը, Արարատ Միրզոյանը և Հովհաննես Մովսիսյանը:

«Ես հայտարարում եմ՝ դուք, որպես ֆեյքերի ղեկավարներ, պատասխան եք տալու: Ժողովուրդ ջան, ձեր տված հարկերով վիրավորում են հերոսների մայրերին: Սրանք Նիկոլ Փաշինյանի ֆեյքերն են եղել տարիներ շարունակ ,-այս մասին ակցիայի ժամանակ հայտարարեց Մանուել Մանուկյանը: 

Վերջինիս խոսքով՝ այն աղջիկները որոնք կարող էին բարոյական աշխատանքով զբաղվել, վարձատրվում են ուրիշներին հայհոյելու համար.

«Մամուլում շրջանառվում է, որ պատերազմի ժամանակ 730 մլն տրամադրվել է ադրբեջանցիների դեմ քարոզի համար, իսկ պատերազմից հետո այդ քարոզը ուղղվել է ի պաշտպանություն Նիկոլի, այսինքն այդ գումարն ուղղվել է, որ պաշտպանեն Նիկոլ Փաշինյան անձին»,-ասաց Մանուել Մանուկյանը:

Նրա խոսքով՝ պետությունը այս ամենի պատճառով զրկվել է ընդդիմադիր բևեռից, քանի որ ֆեյսբուքում եղել են 12.000 ֆեյքեր, որոնք գործել են՝ ի օգուտ իշխանութան:

Ակցիայի մասնակիցները նաև ծաղկեպսակ տեղադրեցին Օրբելի փողոցում գտնվող կառույցի դիմաց, որտեղ, ըստ ակցիայի մասնակիցների, գործում են ֆեյք օգտատերերը: 

«Ասում են ֆեյսբուքում ուրիշ աշխարհ է, դուք եք ստեղծել այդ աշխարհը և քանդել պետությունը, բոլոր իշխանավորներդ, որ պետությունից գումարներ եք տրամադրել՝ արժանապատիվ մարդկանց հայհոյելու համար: Պատերազմից հետո ամբողջ գումարը պիտի ծախսվեր զինվորներին օգնելու համար, փոխարենը  ծախսվել է Նիկոլի PR-ի համար։ Վերջին շոուն էլ տեսանք հրապարակում: Ընդդիմադիրները եթե բողոքում են, հասկանալի է, պահանջում են իշխանությունից, բայց իշխանությունը ումի՞ց է բողոքում»,-ասաց ակցիան համակարգող Մանուել Մանուկյանը:

Աղբյուր` Փաստինֆո