Փաստ ինֆո

Նիկոլ Փաշինյանը եթե ամոթ ու թասիբ ունենար, մեկ օր առաջ ներողություն կխնդրեր ժողովրդից և կթողներ իր պաշտոնը, որովհետև պարտված առաջնորդը չի կարող շարունակել մնալ առաջնորդ։ Այս մասին քիչ առաջ լրագրողների հետ զրույցում ասաց «Հայրենիք» կուսակցության ղեկավար Արթուր Վանեցյանը։

Հարցին՝ եթե չունի ամոթ և թասիբ, Արթուր Վանեցյանն ասաց. «Ոնց որ թե չունի, դրա համար հանրային ճնշման արդյունքում կհասնենք նրան, որ նա կգնա»,-ասաց Արթուր Վանեցյանը։

Նա նշեց, որ ունեն ճանապարհային քարտեզ, քաղաքական ուժերի հետ քննարկումներն արդեն ավարտված են և առաջիկա օրերին կա՛մ մամուլի ասուլիս կհրավիրեն, կա՛մ այլ մեկ այլ միջոցառման ընթացքում կներկայացնեն։

Հարցին՝ ժամանակավոր կառավարության կազմում տեսնու՞մ է իրեն, Արթուր Վանեցյանն ասաց. «Մեր քաղաքական ուժն անպայման մասնակցելու է արտահերթ ընտրություններին, եթե լինեն։ Թե ինչ դեր կստանձնեմ կամ որտեղ կկանգնեմ մեր հայրենիքի ջատագովների շարքում, դա կորոշեն քաղաքական ուժերը, իսկ ամենաառաջինը՝ ժողովուրդը։ Ինքնանպատակ պաշտոն զբաղեցնելու կամ իշխանություն վերցնելու խնդիր չունենք։

«Պետք է մեծ քաջություն ունենաս, որ այս քանդված երկիրը, այս «հիվանդ» հասարակությունը վերցնես  ու կարողանաս ինչ-որ բան անել»,-ասաց Արթուր Վանեցյանը։

Աղբյուր` Փաստինֆո