Փաստ ինֆո

Իմ քայլը» խմբակցության պատգամավորՆազելի Բաղդասարյանը կառավարության հետ հարցուպատասխանի ժամանակ հարց ուղղեց ՀՀ ՊՆ Դավիթ Տոնոյանին՝ նշելով, որ բավականին թվով անհայտ կորածներ ունենք, ցավոք սրտի անհայտ նրանցից շատերը ընտանիքի միակ կերակրողներն են։ Հարց ուղղեց նրանց ընտանիքների սոցիալական երաշխիքների մասին։

«Փաստացիորեն մինչև կարգավիճակի ճշտումը, այս անհայտ կորածների ընտանիքները սոցիալապես խոցելի են դառնում։ Կյանքի և առողջությանը պատճառված վնասների փոխհատուցման հիմնադրամի շահառու դառնալու գործընթացը բավականին երկար է՝ կապված իրենց անհայտ ճանաչելու առումով։ Գիտեմ ՊՆ-ում օրենսդրական բարելավումների մակարդակաում գործընթացներ նախատեսվում էին, արդյոք փոփոխություննե՞ր կան»։

Դավիթ Տոնոյանը պատասխանեց, որ ՊՆ-ում ստեղծված է հանձնաժողով, որը սերտ աշխատում է միջազգային կազմակերպության ներկայացուցիչների հետ, իսկ այսօր արդեն ՌԴ խաղաղապահների հետ։

«Լայնածավալ աշխատանքներ են կատարվում նաև ճշգրտման առումով։ Անհայտ կորածների ցուցակն այս պահին ունի նվազման միտում, որովհետև ճշգրտումների արդյունքում պարզվում է, որ բավականին շատ անհայտ կորածներ հայտնվում են ցուցակներում, որոնք որ ողջ-առողջ են ուղղակի հաշվառման առումով սխալ է եղել ամեն ինչ»,- ասաց Տոնոյանը։

Նախարարը նշեց, որ օրենսդրական փոփոպությամբ հանդես եկել են, բայց կլինեն նաև շտկումներ՝ հիմնադրամի հնարավորությունից օգտվելու և պետական բյուջեյից օգտվելու հնարավորությունի մասին։

«Քանի որ հարուցված քրեական գործերը մեծածավալ են և համապատասխան կառույցները չեն հասցնում համապատասխան կարգավիճակ տրամադրելու վերաբերյալ տեղեկություններ տրամադրել մեզ, ամեն ինչ ընթացքում է»,- ասաց նախարարը։

Բաղդասարյանը հարցրեց՝ պե՞տք է ժամկետների կրճատում լինի, Դավիթ Տոնոյանը նշեց, որ ամեն ինչ արվելու է, որ այն ընտանիքները որոնք կորուստներ ունեն՝ շատ արագ աջակցություն ստանան պետության և հիմնադրամի կողմից։

Աղբյուր` Փաստինֆո