Փաստ ինֆո

«Ամենակարևորը այս ամեն ինչը չսարքեն կապիկություն, չսարքեն համերգ, որ մարդիկ ստեղ հավաքվում են, ծափ են տալիս, այլ այս ամենը մեր զոհված տղերքի հիշատակի համար է, որ հարգեն։ Մենք տղերք ենք կորցրել, մենք ախպերներ ենք կորցրել, չորս օր է իջել ենք պոստերից։ Ու սաղ, որ ասում են՝ այս ամեն ինչի մեղավորը Նիկոլ Փաշինյանն ա, տենց բան չկա։ Ասողները որ մի րոպեով Ղարաբաղում լինեին, ընդամենը մի րոպեով, իրենք կհասկանային , որ հիմա մենք ունենք ցավոք սրտի 2000 զոհ, այդ փաստաթուղթը, որ այդ ժամանակ չստորագրվեր, կունենայինք 15000 զոհ», նշեց ակցիայի մասնակիցը, հավելելով , որ այս ամենի արդյունքում հազարավոր մարդկանց կյանքեր փրկվեց, հակառակ դեպքում, նրա խոսքերով ՝ ջահելության 90 տոկոսը կմնար Ղարաբաղում ։

«Եթե հավաքներում խոսացողների մի մասը գար մեր կողքը կանգներ ու ասեր՝ դուք իջեք , մենք կգնանք զոհվածների աճյունները կբերենք, կհասցնենք իրենց ընտանիքներին, այդ ժամանակ էլ խոսելու տեղ կունենային։ 18, 19 տարեկան հրաշք տղերք ենք կորցրել, այսօր վեր են կացել աթոռի համար միտինգ են անում։ Մենք խաղաղություն ենք ուզում»,-ավելացրեց հանրահավաքի մասնակիցը։

«Իմ քայլը» խմբակցության պատգամավոր Հայկ Սարգսյանը, Կառավարության դիմաց հանրահավաքի մասնակիցներին հորդորեց հեռանալ, միաժամանակ շնորհակալություն հայտնելով աջակցության համար.

«Կոչեր արել ենք, որ ժողովուրդը չհավաքվի, բայց քանի որ ժողովուրդը հավաքվել է որոշեցինք գալ և դիմել նրանց, որ հեռանան ։ Ինչպես նաև շնորհակալություն հայտնենք աջակցության համար»։

Ի աջակցություն կառավարության ակցիայի մասնակիցներին Նիկոլ Փաշինյանը նույնպես շնորհակալություն հայտնելով , հեռացավ։

Հիշեցնենք ՝ ՀՀ վարչապետ Նիկոլ Փաշինյանի և գործադիր իշխանության աջակիցները հավաքվել են կառավարության շենքի մոտ: Նրանք իրենց աջակցությունն են հայտնում ՀՀ վարչապետին՝ նշելով, որ նա չպետք է հրաժարական ներկայացնի զբաղեցրած պաշտոնից:

Աղբյուր` Փաստինֆո