Փաստ ինֆո

«Եթե անգամ ես մտածել եմ սպանելու երկրի վարչապետին, ես, որ ծառայել եմ մաքսային ծառայությունում 18 տարի և ավելի, երբ ես եղել եմ զինվորական, տիրապետում եմ գաղտնալսման բոլոր օրենքներին, գիտեմ ինչպես է կատարվում գաղտնալսումը, բազում անգամներ նաև մեր համակարգի կողմից է կատարվել գաղտնալսում, ինչպ՞ես կարող էի եթերում խոսել, բաց կապով քննարկել դա»,- այս մասին «ԱրմՆյուզ» հեռուստաընկերության «Օրախնդի» հաղորդաշարի ժամանակ «Սիսական» ջոկատի հրամանատար, «Մարտական խաչ» 2-րդ աստիճանի շքանշանակիր Աշոտ Մինասյանը, անդրադառնալով այն հարցին, թե ինչպես ինքը կարող էր բաց կապով Նիկոլ Փաշինյանի մահափորձի հարցը քննարկել:

Մինասյանը ժամեր առաջ էր դուրս եկել կալանավայրից։ Նա հայտարարեց, որ իր տարբեր ժամանակների խոսակցությունները մոնտաժել, բառերը համադրել և սարքել էին ձայնային շոու: Անդրադառնալով արցախյան պատերազմի ընթացքին և ԳՇ պետի հայտարարությանը, լեգենդար հրամանատարը հայտնեց, որ Օնիկ Գասպարյանը բացահայտել է այն ամենը, ինչը իրականությունն է եղել։

«Պատերազմը սկսվելուց առաջ փորձեցին ձևավորել աշխարհազոր, հրավիրեցին մեզ և ներկայացրեցին կանոնադրությունը, ես հարց տվեցի Օնիկ գասպարյանին՝ Աշխարհազորի կանոնադրության մեջ ինչո՞ւ գրված չէ նաև պաշտպանել ԱՀ-ը, իսկ Գասպարյանը պատասխանեց՝ Արցախում էլ է աշխարհազոր ձևավորվում։ Եթե ՀՀ աշխարհազորի կանոնադրության մեջ գրված չէ, որ անդամը իրավուքն ունի պաշտպանել նաև Արցախը, ի՞նչ կապ ունի այնտեղի աշխարհազորը։ Այսինքն մեզ պատրաստում էին մի բանի համար, ինչպես հետագայում երկրի վարչապետը մեկնեց Գորիս և ներկայացրեց, որ պաշտպանեք Սյունիքը»։

Ըստ հրամանատարի՝ խուճապ էր ձևավորվում՝ վարչապետի ձեռամբ։ «Երբ մենք դեռ չէինք հանձնել Ֆիզուլին, Ջեբրայիլը, Կուբաթլուն, Զանգելանը, այդ ժամանակ արդեն թիկունքում ղեկավարների և վայ հրամանատարների, վայ ղեկավարների միջոցով խուճապ էր տարածվում»։

«Սիսական» ջոկատի հրամանատարը նշեց, որ իրենց ասպարեզ չեն տվել գործելու, փոխարենը ֆեյքերը քննադատում են նախկիններին։

«Արցախյան առաջին պատերազմում հաղթանակ տարած գեներալները և հրամանատարները մեկուսացված են եղել ռազմական գործողություններից։ Միտում եմ տեսնույմ այս ամենի մեջ։ Ինչպես հասարակությանը մասնատեցին սևերի և սպիտակների, այդ ձևով էլ նրանց հաջողվեց մասնատեցին բանակը։ Իրենք այնքան սուտ են ասել, որ ստերի մեջ մոլորվել են։ Առաջին օրվանից սկսել են ստեր խոսել, զոհերի քանակի մասին սկսեցին ստել և առ այսօր իրականությունը չեն կարող ասել, դա ասվելու է շատ ավելի ուշ ժամանակի մեջ, քանի որ իրական թվերը գնալու են ծնողները պահանջեն իրենց որդիների աճյունները, այդ թվերը ժամանակի մեջ պարզ կդառնա, որովհետև այն ինչ տեսել ենք ռազմի դաշտում, լիքը կենդանի տղերք են մնացել, նրանք վկայություն են տալու, թե որտե՞ղ, ո՞ր դիրքում քանի՞ հոգի մնացին»։

Աշոտ Մինասյանի խոսքով, այս իշխանություններով և ԱԺ-ով, Հայաստանը ունակ չէ պայքարելու նաև հաջորդ պատերազմներում: Նա հայտարարեց, որ կմասնակցի նաև 4-րդ պատերազմին, բայց ոչ այս իշխանությունների հետ:

«Մեր երկրին պետք է նոր ղեկավար, որն ունակ կլինի ղեկավարելու, ճիշտ բանակցություններ վարելու երկու բարեկամ երկրների՝ Ռուսաստանի և Իրանի հետ: Բայց այն դեպքում, երբ մարդը պատրաստակամ չէ աշխարհի հզոր այս երկու պետությունների բարեկամական կապերը պահելու, մենք ունակ չենք լինի ոչ մի պատերազմի, կդառնանք, այսպես ասած, Թուրքիայի վիլայաթներից մեկը»,- հայտարարեց Աշոտ Մինասյանը և հավելեց, որ Հայաստանի ռազմական պարտությունը եկել է քաղաքական պարտությունից:
«Ինձ հետաքրքիր է Աննա Հակոբյանն արդեն դիրքերից իջե՞լ է, կամ Աշոտը Փաշինյա՞ն, թե՞ որոշել են Քյոխի նման մնալ ու զոհվել այնտեղ»,- հարցրեց Աշոտ Մինասյանը՝ անդրադառնալով պատերազմի իրական պատկերը աղճատելու իշխանությունների քայլերին:

Աղբյուր` Փաստինֆո