Փաստ ինֆո

Ռուսաստանի նախագահ Վլադիմիր Պուտինը կարծում է, որ Ղարաբաղում պատերազմից հնարավոր կլիներ խուսափել, եթե ընդունվեին դեռևս 2013-ին մշակված՝ իրավիճակի կարգավորման վերաբերյալ առաջարկները։

«2013 թվականին ԵԱՀԿ Մինսկի խմբի շրջանակներում Ռուսաստանը ձևակերպեց այն պայմանները, որոնք, մեր կարծիքով, և դրա հետ, ի դեպ, Մինսկի խմբի բոլոր մասնակիցները, ներառյալ համանախագահները, իսկ դրանք, հիշեցնեմ, Ռուսաստանը, Ֆրանսիան և ԱՄՆ - ն են՝ համաձայնեցին և աջակցեցին», - ասել Է Պուտինը «Ռոսիա 24» հեռուստաալիքի եթերում:

Ռուսաստանի նախագահը հիշեցրել է այն դրույթների մասին, որոնք ընկած են եղել առաջարկությունների հիմքում՝ Հայաստանի կողմից վերահսկվող հինգ շրջանների, ապա նաեւ երկու շրջանների վերադարձ, լրացուցիչ միջանցքի ստեղծում, որը կմիացնի Ղարաբաղն ու Հայաստանը, Ղարաբաղի ստատուս քվոյի ճանաչում՝ չամրագրելով նրա վերջնական կարգավիճակը, երկու կողմերից փախստականների վերադարձը:

«Իմ կարծիքով դա հարցի լուծում կլիներ։ Ցավոք, մենք մի քանի անգամ մոտենում էինք վերջնական որոշմանը..Իմ կարծիքով, եթե մեզ դա հաջողվեր, հնարավոր կլիներ պատերազմի պայմանավորվածություններ ձեռք բերել։ Ես հիմա էլ դրանում բացարձակապես համոզված եմ», - հայտարարել Է Պուտինը: ։

Աղբյուր` Փաստինֆո