Փաստ ինֆո

Այս իշխանության օրոք ՀՀ-ն ոչ միայն Արցախի անվտանգության երաշխավորը չի, այլ նաև ինքն իր երաշխավորը չի:Մեկ գիշերում կրած կորուստների չափը կարող է անդառնալի լինել, խոսքը վերաբերում է Թուրքիայի հռետորոբանությանը ր սպասվելիք գործողություններին, որի հետ կապված, մենք բացարձակ պատրաստ չենք,-այս մասին ԱԺ-ում ելույթի ժամանակ հայտարարեց ԲՀԿ պատգամավոր Միքայել Մելքումյանը:

Պատգամավորը վստահեցրեց, որ իշխանությունը վերջնականապես մսխել է ժողովրդի վստահությունը.

«Ի՞նչ է նշանակում եկեք հանդարտության, որ ի՞նչ լինի, որ հիմա էլ Հայաստանի մասը հանձնենք ու ասենք՝ փոքր մասը հանձնել ենք, որ խոշորը պահպանենք»,-ասաց Միքայել Մելքումյանը:

Նրա խոսքով՝ այս իշխանությունը ՌԴ-ի հետ այլևս չի կարողանալու վարել համապատասխան բանակցություններ և նպաստավոր ռեժիմի դիքավորում ապահովի, ուստի պետք է հեռանա , և ձևավորվի անցումային կառավարություն.

«Երկու տարի առաջ ոնց եկաք, այդպես էլ գնալու եք:Դուք կառուցեցիք մի պետություն, որը անվտանգության իր միակ երաշխավորին հակառակ էր գնում, դուքվարում էիք մի քաղաքականություն, որը դեմ էր ՌԴ տրամաբանությանը, բայց պաշտպանելուց ասում եք՝ արի, այդպես չի լինում»,-ասաց Մելքումյանը:

Աղբյուր` Փաստինֆո