Փաստ ինֆո

Չե՞ք կարծում, որ այս իրավիճակում լավ կլիներ՝ մենք կարողանայինք նիստ գումարել և քննարկել ստորագրված հայտարարությունը։ Այս մասին ԱԺ նիստի ժամանակ ասաց «Լուսավոր Հայաստան» խմբակցության ղեկավար Էդմոն Մարուքյանը՝ դիմելով ԱԺ փոխխոսնակ Լենա Նազարյանին։

ԱԺ փոխխոսնակը նշեց, որ եղել է խորհրդի նիստ, ինքը վարել է այդ նիստը, բայց քվորում չի եղել. «Այն պատգամավորները, որոնք ներկա չեն եղել, հարկ չեն համարել այդ հարցը քննարկել»,-ասաց Լենա Նազարյանը։

Էդմոն Մարուքյանը նկատեց՝ «Իմ քայլը» խմբակցության պատգամավորները հիմա եկել են, կարո՞ղ են հիմա քննարկել. «Եթե ոչ, Ձեր ասածից դուրս է գալիս, որ «Իմ քայլ»-ի պատգամավորները հարկ չեն համարում քննարկել օրինակ Մեղրիի վրայով անցնող ճանապարհի հարցը։ Օրինակ ասում են, որ այդ ճանապարհն էստակադայի նման է լինելու և դրա վրա լինելու են Թուրքիայի ու Ադրբեջանի դրոշներ։ Մեքենաները տենց գնալու-գալու են, մեր քաղաքացիներն էլ քայլելու են, նայեն վերև՝ Թուրքիայի ու Ադրբեջանի դրոշներին։ Մի հատ հասկանայինք՝ էդ ճանապարհն ու՞մ հաշվին է կառուցվելու, ե՞րբ է կառուցվելու, ինչու՞ ենք այդ ճանապարհը տվել։ Քննարկեինք, որ այս օրերին մարդկանց գերի են վերցնում խաղաղության հայտարարությունը ստորագրելուց հետո, արդյոք դա հիմք է տալիս մեզ Քարվաճառից դուրս չգալու։ Ուզում եք ասել, որ մեր 88 գործընկերները չեն ուզու՞մ դա քննարկել»,-նշեց Էդմոն Մարուքյանը։

Լենա Նազարյանը նշեց, որ այդ հարցերն իրենք քննարկում են, երեկ էլ են քննարկել և նա բացակար էր. «Ձեր առաջարկած նախագծից բոլորովին պարզ չէ, թե ինչ պետք է քննարկվեր և այն, որ «Իմ քայլը» խմբակցության պատգամավորները բացակա էին, դա ոչ անգործություն, ոչ էլ պատահականություն է, դա դիրքորոշում է, որովհետև պարզ չէ, թե դուք ինչ էիք ուզում քննարկել՝ հատկապես այդ լարված իրավիճակում»,-ասաց Լենա Նազարյանը։

Աղբյուր` Փաստինֆո