Փաստ ինֆո

ԱԺ «Իմ քայլը» խմբակցության պատգամավոր Թագուհի Թովմասյանը ԱԺ քառօրյայի ժամանակ ամբիոնից ելույթ ունեցավ և նշեց, որ այն վերնագրում է՝ «բացատրություն իմ քայլերի համար։ Ի՞նչ եմ արել ես նոյեմերի 9-ի լույս 10-ի գշերը սև փաստաթղթի հետ ծանոթանալուց հետո», հավելեց, որ հայտարարության մասին իմացել է մյուսների նման՝ մամուլից։

«Հաջորդ օրը գնացել եմ Արցախ՝ հասկանալու ի՞նչ է տեղի ունենում և ինչ կարող ենք անել։ Արդյոք այդ փաստաթուղթը որևէ կերպ հնարավոր է խմբագրել, որևէ բան փոխել։ Հանդիպել եմ Արցախի ռազմաքաղաքական ղեկավարությանը, դաժան տեսարանների եմ ականատես եղել։ Այնուհետև հանդիպել եմ ՀՀ նախագահին, վարչապետին, հոգևոր առաջնորդին, ՌԴ դեսպանին։

Փորձել եմ անել հնարավորինս, ինչը որ կարող էր ինձանից կախված լինել։ Ցավոք, ունենք այն ինչ ունենք և եթե իմ շատ գործընկերների համար հայրենիքի կրուստը իրենցից հեռու է, ես այդ կորուստը ուղիղ իմ մաշկի վրա եմ զգում, որովհետև Քարվաճառի շրջանի ամբողջական հանձնումից հետո՝ իմ ծննդավայր Վարդենիսը՝ 36 գյուղերով ըստ էության հայտնվելու է ամենավտանգավոր գոտում ու ես չէի կարող լռել»։

Թագուհի Թովմասյանը հայտարարեց, որ կայացրել է խմբակցությունից դուրս գալու որոշում, դիմումն արդեն ներկայացրել է, այդ քայլով փորձել է իր բողքը հայտնել այս ամենի դեմ՝ կորցված հայրենիքի, անկարողության համար։

«Ես ՝ լինելով պատգամավոր, ընտրված լինելով այդ մարզից, ունենալով մանդատ, որևէ կերպ իմ հայրենիքի սահմանները վտանգելու, փաստացի իրենց տալիս եմ վտանգված հայրենիք։ Ինչ վերաբերում է ներքաղաքական վիճակին և հետագա գործունեությանը, քաղաքական որևէ օրակարգ չի սպասարկում բացառապես հայրենիքի շահով է առաջնորդվում։

Փաստաթղթով՝ իմ հայրենիքը գտնվում է թշնամուն հանձնված վիճակում։ Կարող էի պատգամավորի մանդատից էլ հրաժարվել, բայց չարեցի՝ իմ շատ գործընկերների, արցախցի հարգարժան մարդկանց խնդրանքով»,- ելույթում ասաց Թովմասյանը։

Աղբյուր` Փաստինֆո