Փաստ ինֆո

Կառավարությունում ՀՀ փոխվարչապետ Մհեր Գրիգորյանի գխավորությամբ ձևավորվել է աշխատանքային խումբ։ Կառավարությունն արդեն մշակել է ծրագիր Հայաստանում գտնվող արցախցիներին աջակցելու մասին։ Այս մասին ԱԺ-ում ասաց ՀՀ վարչապետ Նիկոլ Փաշինյանը։

«Մենք պայմանավորվել ենք, որ ծրագրի միտումը լինելու է այն, որ հետագա փուլերում այդ աջակցությունը արցախցիները կարող են ստանալ Արցխում և ոչ Հայաստանում։ Այսինքն մենք ամեն ինչ անում ենք, որպեսզի խթանենք այն քաղաքացիների վերադարձը, ում հնարավոր է։ Այն քաղաքացիները, որոնց բնակավայրերն այսօր ցավոք հայկական ուժերի վերահսկողության տակ չեն, նրանց վերադարձի իրավունքն արձանագրված է և դա բանակցային գործընթացի կարևոր նրբություններից մեկն է լինելու, թե ինչպես անել, ինչ երաշխիքներ և մեխանիզմներ ներդնել, որպեսզի քաղաքացիների վերադարձի, անվտանգությունը և արժանապատվությունը պաշտպանվի»,-նշեց վարչապետը։

Անդրադառնալով մշակութային արժեքներին՝ Նիկոլ Փաշինյանը նշեց, որ ինտենսիվ աշխատանք է գնում և կարծում է, որ այդ աշխատանքն արդյունք կտա. «Կան մշակութային արժեքներ, որոնք գտնվում են հայկական ուժերի վերահսկողության ներքո և այդտեղ որևէ վտանգ ու սպառնալիք չկա։ Հիմնական խնդիրը կապվում է Շուշիի Ղազանչեցոց եկեղեցու հետ։ Ակտիվ շփումներ ենք իրականացնում միջազգային հանրության հետ՝ մշակութային ժառանգության անվտանգությունն ապահովելու համար, և դա նույնպես բանակցային գործընթացի կարևորագույն կետերից մեկն է լինելու»,-նշեց Նիկոլ Փաշինյանը։

Աղբյուր` Փաստինֆո