Փաստ ինֆո

ՄԻՊ-ը դատապարտել է բռնության ցանկացած կոչ ու երևույթ՝ անկախ ամեն ինչից։ Այս մասին ԱԺ-ում ասաց «Իմ քայլը» խմբակցության պատգամավոր Տաթևիկ Հայրապետյանը՝ դիմելով ՀՀ վարչապետ Նիկոլ Փաշինյանին։

Պատգամավորը նշեց, որ Շուշիի հարցը երբևիցե որևէ բանակցային փաթեթի մաս չի կազմել. «Ես չգիտեմ առնվազն դեպք, երբ բոլոր հնարավոր լուծումների քննարկումների ժամանակ քննարկվի Շուշիի հարցը։ Խնդրում եմ՝ սրա հետ կապված պարզաբանում տաք»,-ասաց Տաթևիկ Հայրապետյանը։

Վարչապետը, անդրադառնալով պատգամավորի հարցին, հարց բարձրաձայնեց՝ որևէ բանակցային փաթեթ կյանքի կոչվե՞լ է. «Մենք բանակցային փաթեթ ասելով՝ նկատի ունենք թղթեր, որոնք գոյություն են ունեցել և հաջորդ հարցը, որ բանակցային կոնտեքստում պետք է ծագի՝ իսկ ի՞նչ պայմաններ են անհրաժեշտ, ո՞ր դեպքում է, որ որևէ բանակցայինփաթեթ կդառնա իրականություն։

Վերջին 2.5 տարվա ընթացքում իմ ունեցած շփումները, քննարկումներն ինձ համար կասկած չեն թողնում, որ պատերազմի կանխարգելումը միանշանակ պետք է ենթադրեր հայկական կողմի հրաժարումը ԼՂ կարգավիճակից և տեսանելի ապագայում կարգավիճակը ճշգրտող մեխանիզմների պահանջից և Շուշիից։ Բանակցային փաթեթը թուղթ է, որի վրա կարող ես գրել նույնիսկ քո լավագույն ցանկությունները, բայց այդ բանակցային փաթեթներից որևէ մեկն իրագործվել է՞։

Ոչ մեկը չի իրագործվել։ Այդ տեսական քննարկումների դաշտն նվերջ երկարաձգելու մեր հնարավորությունները 2016թ.-ի ապրիլյան պատերազմով սպառվել են։ Մենք 2016թ.-ի ապրիլից հետո ունեինք երկու ընտրություն՝ կա՛մ հրաժարվել մեր իրավունքներից, կա՛մ փորձել պաշտպանել մեր իրավունքները։ Հիմա թուղթ են ցույց տալիս, ասում՝ վայ այս թղթում Շուշիի մասին բան չկա։ Բան չկա, դրա համար էլ այդ թուղթը չի իրագործվել, կյանքի է՞ կոչվել այդ թուղթը»,-ասաց վարչապետը՝ ըստ էության չպատասխանելով պատգամավորի հարցին։

Աղբյուր` Փաստինֆո