Փաստ ինֆո

Գործող իշխանությունը մարդկանց բաժանեց սևերի ու սպիտակների, կռվողների ու չկռվողների, առաջին գծում եղածների, դասալիքների: Ես վստահաբար կարող եմ ասել, որ մեր փառապանծ բանակը և կամավորները անձնազոհաբար կռվել են, պայքարել են, բայց մենք թիկունքից դավադիր ուժ ենք ունեցել, այդ դավադիր ուժը մեր իշխանություններն են,-այս մասին լրագրողների հետ զրույցում ասաց գնդապետ Սայաթ Շիրինյանը՝հավելելով, որ իշխանությունները չեն կարողացել ոչինչ անել բանակի համար.

«Ծնկի եկած վարչապետը չի կարող առաջ տանել երկիրը: Նիկո՛լ, դու թուրքի ոտքերն ես լպստել, սպիտակ դրոշ ես բարձրացրել, մեզ բոլորիս ծնկի ես բերել, մեր հոգիների վրա ոտքերդ տրորել ես:Եթե մի փոքր հայ լինեիր՝հրաժարական կտայիր»:

Սայաթ Շիրինյանը նաև վստահեցրեց, որ վարչապետը այլևս չի կարող բանակցել հայ ժողովրդի անունից, քանի որ նրա վրա ծիծաղել են.

«Նիկոլ, հեռացի՛ր, գնա: Ես ժամանակին քո աչքերի մեջ նայելով ասացի՝ դու ով ես, ինչ երևույթ ես: Դու ոչնչություն ես, հեռացի՛ր գնա,ի՞նչ ես ուզում հայ ժողովրդից, արդեն մասնատել ես էս երկիրը»,-ասաց Սայաթ Շիրինյանը:

Վերջինիս խոսքով՝ այսօր ոչ մի կուսակցություն չի պայքարում իշխանության համար.

«Իշխանությունը փողոցում նետված է, ոչ մեկին պետք չի,Նիկո՛լ, միայն դու ես այսօր աթոռի կռիվ տալիս: Մի՛ եղիր այսքան սրիկա: Այսօր արդեն լկտիության սահմաններն եք հատել և երեք պատերազմի մասնակցի ես ձերբակալում»,-ասաց Շիրինյանը:

Աղբյուր` Փաստինֆո