Փաստ ինֆո

Որևէ մեկը դավաճան իշխանությունից երբեք չի վախենում, դավաճան իշխանության բանտերից չի վախենում։ Տեսել ենք՝ տասնյակ մարդկանց տարան բանտարկեցին, բաց թողեցին, հիմա նորից բանտարկում են, չի ստացվելու։ Այս մասին լրագրողների հետ զրույցում ասաց «Հայրենիք» կուսակցության անդամ Արսեն Բաբայանը:

Անդրադառնալով ստեղծված իրավիճակից դուրս գալու քարտեզին՝ Բաբայանը նշեց, որ Նիկոլ Փաշինյանի խամաճիկները փորձում են հանրության մոտ տպավորություն ստեղծել, որ իբր, Փաշինյանի գնալու դեպքում կամ այդ փաստաթուղթը չլինի,կլինի պատերազմ։

«Ոչ, այդ մասին շատ է խոսվել։ Առնվազն դավաճան իշխանությունը չի կարող լինել այլևս բանակցող, պարտվող իշխանությունը, պարտվող վարչապետը չի կարող նստել, բանակցել հաղթողի հետ, որովհետև մենք տեսանք, թե ինչպես էր Ալիևը ծիծաղում նրա վրա։ Հստակ է ամեն բան՝ պետք է անմիջապես փոխվի բանակցողը, որ առնվազն այն մարդը, որը պետք է բանակցի, գոնե խելք ունենա, գոնե գրագիտություն ունենա։ Ես վստահեցնում եմ՝ եթե Նիկոլ Փաշինյանի փոխարեն լիներ ցանկացած այլ մարդ, ապա չէր լինի այս վիճակը։ Հիմա կա հնարավորություն՝ պայմանագրի որոշակի փոփոխությունների հասնել քիչ թե շատ հայանպաստ քայլերի, հայանպաստ պայմանավորվածությունների, Նիկոլ Փաշինյանին դա չի հաջողվի»,- ասաց Բաբայանը՝ նշելով, որ որոշ ժամանակ անց հնարավոր է Նիկոլ Փաշինյանը պատերազմի նաև Մեղրիի համար։

Ինչ վերաբերում է Փաշինյանի՝ Ապրիլյան պատերազմի հետ համեմատությանը, Բաբայանը նշեց, որ Ապրիլյան պատերազմում ՀՀ-ն հաղթել է և այդ մասին հաստատել է հենց իրենց տեղծած հանձնաժողովը։

Մանրամասները` տեսանյութում

Աղբյուր` Փաստինֆո