Փաստ ինֆո

Կալանավորում են այն մարդկանց, որոնք ամբողջ պատերազմի ժամանակ այնտեղ են եղել։ Շատ լավ եմ ճանաչում Աշոտ Մինասյանին և մյուսներին։ Ուղղակի վերջին ստորությունն է նման քայլերի գնալը։Այս մասին լրագրողների հետ զրույցում ասաց ԱԺ նախկին պատգամավոր Աղվան Վարդանյանը։

Ըստ նրա՝ պատճառն այն է, որ Փաշինյանը չի ուզում հրաժարական տալ, որովհետև վախենում է, վախկոտ է։

«Հոգեվարքի մեջ է այս իշխանությունը, ամեն քայլի պատրաստ է գնալու՝ մի քանի օր երկարաձգելու իր դավաճանական գործը»,- ասաց Վարդանյանը՝ հանրությունն արդեն կամաց-կամաց շոկից դուրս է գալիս, պետք է շատ ավելի զանգվածային համախմբում տեղի ունենա և ուղղակի պարտադրել այս իշխանությանը հեռանալ։

Նրա խոսքով՝ ամեն տեղ կազմակեպված թափ պետք է ստանա։ Բացի դա՝ Վարդանյանը գտնում է, որ պետք է ճնշումներ լինեն իշխանության ներկայացուցիչների հանդեպ՝ բարոյական և այլ տարբեր։ «Իմ քայլական» պատգամավորները պետք է հասկանան, որ դրսևորվող անգործությամբ մասնակցում են դավաճանության։

«Ես գիտեմ նրանք ինչ են մտածում։ Մտածում են, որ թիմից դուրս գան, կասեն թիմին դավաճանել են, բայց նրանք պետք է հասկանան շատ պարզ բան՝ դավաճանին դավաճանելը դավաճանություն չէ»,- նշեց նա։

Աղբյուր` Փաստինֆո