Փաստ ինֆո

Համահայկական Ազգային Համաձայնությունը (ՀԱՀ) հանդես է եկել հայտարարությամբ՝ Նիկոլ Փաշինյանի կողմից ստորագրված թասթաթղթի վերաբերյալ:

Հայտարարության մեջ մասնավորապես ասվում է.

«ՀՀ վարչապետի կողմից ստորագրված 2020 թվականի նոյեմբերի 9-ի հայտարարությունը կարող է դիտարկվել միմիայն որպես ՀՐԱԴԱԴԱՐԻ ՀԱՄԱՁԱՅՆԱԳԻՐ, բայց ոչ երբեք ԽԱՂԱՂՈՒԹՅԱՆ ՊԱՅՄԱՆԱԳԻՐ կամ դրա նախաօրինակը, քանի որ ըստ ՀՀ Սահմանադրության սույն փաստաթուղթը վավերացված չէ ՀՀ ԱԺ-ի կողմից, ինչը նախատեսված է ՀՀ Սահմանադրությամբ սահմանված կանոնակար-գերով։

— Գտնում ենք, որ հաշվի առնելով հայ բնակչության նկատմամբ ցեղասպանու-թյան վտանգը, անհրաժեշտ է, որպեսզի Հայաստանի Հանրապետության իրավասու մարմինները դիմեն Մինսկի խմբի համանախագահներին Լեռնային Ղարաբաղի ամբողջական տարածքի կարգավիճակի քննարկման ու այնտեղ բնակվող հայ բնակչության անվտանգության երաշխիքների ապահովման հարցով։

— Անհրաժեշտ է, որ ՀՀ համապատասխան մարմինները դիմեն միջազգային իրավասու կառույցներին, ցեղասպանության՝ էթնիկ զտումների համար Ադրբեջանի դեմ հայց հարուցելու գործով, քանի որ Ադրբեջանը միտումնավոր ռմբակոծելով Արցախի քաղաքացիական բնակավայրերը ցեղասպանության դիտավորությամբ  բնազրկել է Արցախի Հանրապետության տարածքը նրա մշտական հայ բնակիչնե-րից։

— Անհրաժեշտ է Մինսկի խմբում և միջազգային ատյաններում բարձրացնել Արցախի բնակիչների ինքնորոշման իրավունքի ոտնահարուման հարցն ու դրա փոխարեն Ադրբեջանին ռազմական միջոցներով տարածքների հանձնման փաստը, որն ուղեկցվել է արտաքին միջամտությամբ՝ Թուրքիայի զինված ուժերի և Թուրքիայի աջակցությամբ վարձկան ահաբեկիչների մասնակցությամբ։

— Հայտարարում ենք, որ Նիկոլ Փաշինյանն այսուհետ չի՛ կարող կրել ՀՀ վարչապետի պարտականությունները, քանի որ նա վերազանցել է ՀՀ սահմանադրու-թյամբ ՀՀ վարչապետին տրված իրավասությունները` միանձնյա որոշում կայացնե-լով ու մերժելով ժողովրդի կարծիքն ու կամքը ստորագրել է 2020 թվականի նոյեմբեմրի 9-ի անօրինական փաստաթուղթը։ 

— Գտնում ենք, որ այսօրվա ճգնաժամային իրադրության պայմաններում անհրա-ժետ է ձևավորել ԱԶԳԱՅԻՆ ՀԱՄԱՁԱՅՆՈՒԹՅԱՆ ժամանակավոր կառավարություն։

ՀԱՀ մտավորականների խորհուրդ,

համակարգող՝ Արթուր Արմին Բաբայան

ՀԱՀ քաղաքական կուսակցությունների խորհուրդ,

համակարգող՝ Գևորգ Հովսեփյան,

ՀԱՀ հասարակական կազմակերպությունների

և նախաձեռնությունների խորհուրդ,

համակարգող՝ Աշոտ Կոշկակարյան»:

Աղբյուր` Փաստինֆո