Փաստ ինֆո

Վարչապետի ստորագրած հայտարարությունում կան կետեր, որոնք շտկման ենթակա են, և հույս ունեմ, որ շտկվելու է ի օգուտ մեզ: Պետք է ընդունենք, որ այդ թուղթը հայտարարություն է՝ գոնե միառժամանակ խաղաղության էլեմենտներով, որոնք պետք է ապահովեն ռուսական խաղաղապահ ուժերը,-այս մասին «Փաստինֆո»-ի հետ զրույցում ասաց ԱԺ «Իմ քայլը» խմբակցության պատգամավոր Հովիկ Աղազարյան:

Մեր այն հարցին, թե ինչպե՞ս է գնահատում այն փաստը, որ նման ճակատագրական որոշում կայացվում է առանց ժողովրդի հետ խորհրդակցման, պատգամավորը պատասխանեց.

«Ժամանակի սղության պատճառով դժվար է եղել այն հասարակությանը ներկայացնել և քննարկել, երբ որ պետք էր ուղղակի դադարեցնել ռազմական գործողությունները:Ճիշտ է հասարակությանը չի ներկայացվել, բայց ամեն դեպքում վարչապետը նման որոշում է կայացրել թե՛ մեր զինվորական ղեկավարության, թե՛ Արցախի ռազմաքաղաքական ղեկավարության հետ քննարկումների արդյունքում: Իրավիճակը պետք է ճիշտ գնահատել, սա նաև նպատակահարմարության հարց է, երբ պատերազմական գործողությունները գնում են, այդպիսի փաստաթուղթ ժողովրդի հետ քննարկելը բավականին խնդրահարույց է»,-ասաց «Իմ քայլը»-ի պատգամավորը:

Հովիկ Աղազարյանը պնդում է, ոչ չնայած պատերազմի ընթացքում կազմակերպչական թերություններին, այնուամենայնիվ, դետալների մեջ չպետք է խորանալ.

«Նրանք, ովքեր պատերազմի ընթացքում թույլ են տվել վրիպումներ պետք է պատասխանատվություն կրեն իրենց կատարած աշխատանքի համար: Բայց, ընդհանուր առմամբ, չպետք է դետալների մեջ խորանալ, որովհետև թերություններով հանդերձ ամեն ինչ կազմակերպվել է:Թերություններ, իհարկե, եղել են,բայց այսպիսի իրավիճակում մենք չենք եղել, եթե ավելի գաղափարական դատողություններ անենք, լրիվ ուրիշ տեղ կգնանք թե՛ բանակի կազմակերպման հարցում, թե՛ պաշտպանվածության բարձրացման հարցում, բայց տվյալ պահին ես գտնում եմ, որ թերություններ եղել են, ինչի համար կոնկրետ մարդիկ պատասխան կտան»,-ընդգծեց պատգամավորը:

Անդրադառնլով նաև վերջին շրջանում վարչապետի ելույթներին և դրանց բովանդակությանը, մասնավորապես, հասարակությանը «անթասիբ» պիտակավորելուն, Հովիկ Աղազարյանը ասաց.

«Մենք եթե վարչապետի ելույթից կտրենք մի հատված և դրա վրա ծանրանանք ամբողջական չի, ինքը նկատի չի ունեցել բոլորին, ինքը առանձին դեպքեր նկատի ուներ: Իրա ասածի իմաստը կայանում է նրանում, որ դասալքության դեպքեր են եղել:Վարչապետը փորձում է իր արած քայլերի տրամաբանությունը ներկայացնի»:

Պատգամավորից հետաքրքրվեցինք նաև, արդյոք ստեղծված իրավիճակում քննարկվում է խորհրդարանական արտահերթ ընտություններ անցկացնելու հարցը, վերջինս էլ նշեց, որ դա կքննարկվի երկրում կայուն իրավիճակ հաստատվելուց հետո միայն.

«Արտահերթ խոհրդարանական ընտրությունների հարցը օդում կախված է բնականաբար, բայց ես կարծում եմ, դրան պետք է անդրադառնանք մի փոքր ուշ, երբ որ ռազմական դրությունը ավարտվի և ունենանք համեմատաբար կայուն վիճակ, այդ ժամանակ այս հարցը կարելի է համարել ակտուալ:Այս պահին գտնում եմ, որ հավանական իշխանափոխությունը տեղի պետք է ունենա միայն օրենքի սահմաններում, որպեսզի երկիրը մնա կայուն, որպեսզի դժգոհող քաղաքական գործիչներ, կուսակցություններ, անհատներ չլինեն»:

Պատգամավորը նշեց նաև, որ ինքը տեղյակ է եղել «Իմ քայլը» խմբակցության նոյեմբերի 12-ին տարածած հայտարարությանը և այն գնահատում է հավասարակշռված:

Աղբյուր` Փաստինֆո