Փաստ ինֆո

«Մենք ունենք հիանալի ստրատեգիական միջոցներ։ Հակառակորդը գիտեր, որ մենք ունեինք այն, ինչ ինքը չունի։ Ոչինչ չի արվում։ Պատերազմի ընթացքում մենք հանկարծ հարվածում ենք Գյանջա քաղաքին, փոխանակ հարվածենք նավթամուղերին և գազամուղերին։ Դա դիտմամբ են անում»,- այս մասին Ազատության հրապարակում հանրահավաքի ժամանակ հայտարարեց ՀՀ նախկին վարչապետ Հրանտ Բագրատյանը։

Ըստ Բագրատյանի՝ մեր զինվորների 82 տոկոսը բեկորներից են մահացել։

«Մեծ մասը թուրք չի տեսել, իրենց վրա չեն կրակել, իրենց վրա դրոնն է կրակել։ Մենք կռվել ենք թուրքական բանակի հետ։ Նիկոլ Փաշինյանը մեղադրում է, որ մենք դասալիք ենք, լավ չենք կռվում։ Պաշտպանության նախարար Դավիթ Տոնոյանը, որն այս պահին ցույց տվեց զրոյական հատկություններ, հայտարարում է, որ դա այդպես չէ՝ չի վիճարկում, բայց արդարանում է, որ նրանք ունեին 5-րդ սերնդի զենք։ Տղա ջան, բա այս ընթացքում ինչի՞ էիր տասնյակ հարյուրավոր դոլարների ՕCA առնում, որը հին զենք է, որի արդյունավետությունը 30-40 տոկոս է։ Մեր զինվորը օդից պաշտպանված չլինելով ի՞նչ պետք է կարողանար դրսևորել»:

Բագրատյանը նաև նշեց, որ հարավային ուղղությամբ առանձին ինտենսիվ մարտեր չեն եղել։

«Սխալ ղեկավարման հետևանքով առաջին բանակային կորպուսը լիովին ջախջախվել է։ Մեր զորքերին հնարավորություն չեն տվել կռվելու։ Համարյա 90 տոկոսով ռուսական խաղաղապահներն արդեն տեղակայվել են, բայց փաստաթղթի հետ կարելի է ինչ-որ բան անել, բայց Նիկոլ Փաշինյանն այսօր ընկերացել է Էրդողանի և Ալիևի հետ»,- հայտարարեց Բագրատյանը։

Աղբյուր` Փաստինֆո