Փաստ ինֆո

Ով Մեղրիով ադրբեջանցիներին ճանապարհ տա, իր ձեռքը պետք է կտրի, Ազատության հրապարակում դաշնակցական Սպարտակ Սեյրանյանը հիշեցրեց տարիներ առաջ Փաշինյանի՝ թերթում գրած խոսքերը:

«Արա, ես չեմ ուզում՝ քո ձեռքը կտրես, ուզում եմ՝ էդ ձեռքով հրաժարականդ ստորագրես ու գնաս: Իր «ղազագիրը» փոխելու շանս ունենք: Նոր բանակցող պետք է գա, ով Հայաստանը մետր առ մետր հետ բերի», - նշեց նա:

Ըստ Սեյրանյանի՝ Հայաստանը փաստաթղթով կկանգնի անդունդի եզրին։

«Ի՞նչ արեց ինքը՝ 2,5 տարի խաբում էր, պատերազմի ժամանակ խաբում էր, ստորագրելուց հետո էլ խաբում է։ Էս ինչ արեցիր՝ հային հայի դեմ հանեցիր, 2,5 տարի առաջ սև ու սպիտակով իրար դեմ հանեցիր։ Խրամատում կանգնած տղերքը կռվում էին, ինքը պատերազմի ժամանակ էլի հային հայի դեմ էր հանում։ Էսօր իրա աշխատասենյակի ինչ որ լակոտ լուկուտներ ելույթներով ասում են՝ ղարաբաղցիներին գալու են Հայաստանից հանեն։

Ու էդ տականքների հովանավորողը ինքն է ու ոչ մեկ իշխանությունից չասի, որ տեղյակ չեն, ինքը չասի որ տեղյակի չի։ Մեղքը բարդեց սաղի վրա, ոնց որ 2,5 տարի։ Տնտեսությունը վարի է գնում՝ ժողովուրդն է մեղավոր, հիմա էլ ուզում է ասի, որ մենք ենք մեղավոր, որ տղերքը զոհվել են»։

Սեյրանյանը հայտարարեց, որ ժողովուրդը չպետք է մտածի, որ հրապարակում հավաքվելով ոչինչ չեն կարող անել։

«Հիմա էլ ասում են, թե իմաստը որնա՞ էստեղ հավաքվելու, մեկա ամեն ինչ ավարտված է։ Սուտ է»։

Ակցիայի մասնակիցները կրկին կհավաքվեն վաղը՝ ժամը 18.00-ին, Ազատության հրապարակում: Կմասնակցեն մոմավառության ու ծաղիկներ կխոնարհեն ի հիշատակ զոհերի:

Աղբյուր` Փաստինֆո