Փաստ ինֆո

Գիշերը ուշ ժամին հինգ մեքենայով եկել են ՝ մեջը ավելի քան տաս մարդ է եղել: Ես տանը չեմ եղել, եղբայրս է եղել, հեռախոսով տեսա, որ շատ են, ոստիկանություն զանգեցի:Հետո եղբայրս դուռը բացել է, տեսել է Հակոբ Սիմիդյանը և Հայկ Սարգսյանը, իրենց հետ էլի մարդիկ, հարցրել է՝ ինչի եք եկել, ասել են Վարդանին ենք ուզում, եղբայրս ասել է, որ տանը չեմ,թողել, գնացել են,- «Փաստինֆո»,- հետ զրույցում պատմեց «Իմ քայլը» խմբակցության նախկին պատգամավոր Վարդան Աթաբեկյանը:

Պատգամավորը նաև նշեց, որ դեպքից հետո կապ չի հաստատել գործընկերների հետ՝ պարզելու ի՞նչ հարցով են եկել:

«Այլ մանրամասներ չկան, սպասում եմ կապ հատատեն ինձ հետ, եթե չկապվեցին, նոր կտեսնեմ՝ ինչ են անում: Հիմա սպասում եմ զանգեն, եթե ուշ ժամի եկել են, ուրեմն շտապ բան է եղել»,-մեզ հետ զրույցում ասաց Վարդան Աթաբեկյանը:

Պատգամավորի վարկածով՝սա հավանաբար կապված է խմբակցությունից դուրս գալու իր որոշման հետ: «Բայց դրա համար այդքան մեքենայով չեն գալիս»,-ասաց պատգամավորը:

Պատգամավորից հետաքրքրվեցինք նաև՝ արդյոք դիմել է պատկան մարմիններին, վերջինս էլ նշեց, որ դեռ սպասում է գործընկերները իր հետ կապ հաստատեն.
«Իմ թիմակցիներն են, նախ հասկանամ՝ ինչի՞ են եկել, նոր կհասկանամ դիմելու կարիք կա , թե՝ չէ, եթե այդ ժամին եկել են,տանը չեմ եղել, հաջորդ օրը պետք է զանգեին, բայց չեն զանգել երևի ինչ- որ բան է փոխվել»,-ասաց Վարդան Աթաբեկյանը:

Հիշեցնենք, որ Վարդան Աթաբեկյան նոյեմբերի 12-ին հայտարարեց «Իմ քայլը» խմբակցությունից դուրս գալու մասին,իր խոսքով՝ տեղյակ չի եղել խմբակցության տարածած հայտարարության մասին: Պատգամավորը այսուհետ իր գործունեությունը շարունակելու է որպես անկախ պատգամավոր:

Աղբյուր` Փաստինֆո