Փաստ ինֆո

Կատարվածը, երկու օր առաջ ուշ գիշերին այն, ինչ լսեցինք բոլորս, շատ ծանր է, մեր ժողովրդի հոգեվիճակը այդ պատճառով ծանր է, սակայն բոլորիդ ուզում եմ հիշեցնել, որ դա ընդամենը հայտարարություն է, համաձայնագիր չէ, պայմանագիր չէ: Այս մասին այսօր Ազգային ժողովրդավարական բևեռի հրավիրած հանրահավաքում ասաց Ազգային ժողովրդավարական բևեռի անդամ Ժիրայր Սեֆիլայնը:

«Դա մի հայտարարություն է, որի տակ ստորագրել են երեք երկրի ղեկավարներ, որոնք, իմ համոզմամբ, մեկը մյուսի ետևից պաշտոնանկ են արվելու»,- նշեց Սեֆիլյանը:

«Երբ զգանք, որ մեր բանակին, մեր երկրի պաշտպաններին անհրաժեշտ է ֆիզիկական օգնություն, մենք այդ քայլը ձեռնարկելու ենք: Այս ճգնաժամը հաղթահարելի է. հուսադրվեք ժողովուրդ»,- նշեց Սեֆիլյանը։ 

Հանրահավաքից հետո Սեֆիլյանը մեկ անգամ էլ նշեց, ելքը կլինի Նիկոլ Փաշինյանի հրաժարականը։

«Ես կարծում եմ, որ շուտով Նիկոլ Փաշինյանն էլ է պահանջելու իր հրաժարականը։ Կատարվածն աններելի է»։
Սեֆիլյանն ասաց, որ մինչ պատերազմը և մանավանդ մինչ վերջին «խայտառակ» որոշումը բոլորովին այլ իրավիճակ էր երկրում, այսօր այլ իրավիճակ է. առանց այդ էլ երկրի

ներքաղաքական իրավիճակը համերաշխ չէր։

«Այսօր պարտավոր ենք ամբողջը մի կողմ թողնել և օր առաջ զբաղվել երկրի ադեկվատ քաղաքական գլուխ ձևավորելու։ Այն, ինչ կատարվեց այսօրվա կառավարության գլխավորությամբ մեր ժողովուրդը չի ներելու։ Լավ կլիներ, որ Նիկոլ Փաշինյանը նախաձեռներ իր հրաժարականի գործընթացը։ Այս իմաստով ազգային ժողովրդավարական բևեռը ըստ էության կարծում եմ, որ դրական դերակատարում ունի այս ամեն ինչին։

Միաժամանակ, ինչպես ասացի, գործող բոլոր ուժերը, որ այսօր առկա են, պարտավոր են անցյալից մնացած անհամաձայնությունները թողնել, այսօր իրավիճակը լուրջ է, այս գիտակցությամբ պետք է լուծում գտնվի»։

Հարցին, թե պատրաստվում են միանալ մյուս կուսակցություններին, քաղաքագետ Արա Պապյանը նշեց, որ եթե միանային մյուս կուսակցություններին՝ կմասնակցեին երեկվա հանրահավաքին։ Այսպես, առանձին հանրահավաքով ցույց տվեցին, որ առանձին ուժ են, ինչպես եղել և մնում են։

Աղբյուր` Փաստինֆո