Փաստ ինֆո

«Էս վիճակի մեջ առաջին խնդիրը դերակատար բերելն է, այնպիսի մարդու, ով կարողանա այս վիճակից լավագույն ելքերը գտնել»,- այս մասին քայլերթից առաջ՝ Մատենադարանի մոտ լրագրողների հետ զրույցում ասաց ՀՅԴ-ական Արմեն Ռուստամյանը:

Հարցին՝ ո՞վ կարող է լինել այդ անձը, Ռուտամյանը պատասխանեց. «Հայ ժողովրդի արգանդը չի չորացել: Երբ ասում են ո՞վ, մեզ փորձում են վիրավորել, ի՞նչ է նշանակում՝ ո՞վ: Այդ անունները կգտնվեն:

Բոլորն էլ իրենց ամբիցիաները մի կողմ պետք է դնեն ու համաձայնեն կոնկրետ մի անձի շուրջ, ով կարող է համախմբել այս ազգը: Իսկ որ կարող ենք գտնել այդ անձին՝ մի վայրկյան անգամ չեմ կասկածում:

Այդ անձը կամիկաձեի պես գալու է այս ծանր բեռի տակ մտնի: Էդ որ ասում են իշխանության են ձգտում, էս ավերած վիճակի վրա ո՞վ կձգտի իշխանության, դուք պատկերացնու՞մ եք էդ մարդու պատասխանտվությունը, լիակատար կապիտուլացիայի պայմաններում գա մեկը, որ էս ամբողջ բեռը վերցնի իր վրա»,- նշեց Ռուստամյանը։

ՀՅԴ-ական Արմեն Ռուստամյանը հիշեցրեց, որ Նիկոլ Փաշինյանն ասում էր, թե մտածում է հանրահավաք անելու մասին։

«Բա իրեն խի՞ չեն բռնում: Էս մարդը իրեն դասում է ամեն ինչից վեր, իրեն ամեն ինչ կարելի է: Մեր այսօրվա հանրահավաքն էլ իբր արգելված է», - ասաց նա:

Ռուստամյանի խոսքով՝ Նիկոլ Փաշինյանը պատերազմը տեղափոխում է Հայաստան:

Աղբյուր` Փաստինֆո