Փաստ ինֆո

Քաղաքացիներին հորդորել ենք, որ դադարեցնեն քաոսն ԱԺ֊ում, մինրևնույն ժամանակ հասկանալի է նաև նրանց ցասումը և կոչ ենք արել, որ թույլ տան՝ իշխանության պատգամավորներին գալ ԱԺ, կկարողանանք հասկանալ հարցի լուծումը։ Այս մասին ԱԺ֊ում լրագրողների հետ զրույցում ասել է ԱԺ «Լուսավոր Հայաստան» խմբակցության պատգամավոր Անի Սամսոնյանը։

Նրա խոսքով՝ պետք է գան պատգամավորները, որ հասկանան, թե ինչպես կարելի է այս իրավիճակին հանգուցալուծում տալ։ 

«Այս պահին մեր միակ խնդիրը կոչ անելն է, որ իշխանության մեր գործընկերները գան ԱԺ։ Վերջապես՝ պատասխանատու են, չէ՞, իշխանությունն իրենք են, պետք է հասկանան, որ կա խնդիր, ճգնաժամային վիճակ է և դա ունի մեկ լուծում՝ գալ ԱԺ»,֊նշեց Սամսոնյանը։

Ինչ վերաբերում է ԱԺ նախագահ Արարատ Միրզոյանի հետ տեղի ունեցող իրավիճակին, Սամսոնյանը նշեց, որ այն, ինչ տեղի է ունեցել ԱԺ նախագահի հետ, կարող է նաև վախեցնել իրենց գործընկերներին, բայց պետք է իմաստուն լինել, որովհետև հարցը միայն ներքաղաքական չէ, մենք խնդիր ունենք, պատերազմի մեջ ենք, հարցը պետք է լուծել, մինչդեռ այս իրավիճակում դա անել չեն կարող։

Ինչ վերաբերում է վարչապետի հայտարարությունից հետո ցույցերին Սամսոնյանը նշեց, որ անսպասելիությունից էր, որովհետև մարդիկ չէին սպասում, որ կարող է նման հայտարարություն լինել վարչապետի կողմից։

«Դա անսպասելիությունն էև բարկությունը, որովհետև պատերազմ է եղել, մարդիկ են զոհվել և այդ հայտարարությունը, բնական է, որ պետք է այսպիսի իրավիճակ ստեղծեր»,֊ նշեց նա՝ հավելելով, որ այս իրավիճակը մեզ ձեռնտու չէ, չենք կարող երկրում քարոս սարքել, երբ ունենք պատերազմի խնդիր։

Աղբյուր` Փաստինֆո