Փաստ ինֆո

Ստացվում է, որ ինձ չի հաջողվել փոխել բանակցային տրամաբանությունը, որովետև այդ թեման՝ տարածքների հանձնման թեման միակ կոնկրետ, առարկայական թեման է եղել։ Միակ տարընթերցում չտվող թեզն է եղել ամբողջ բանակցային գործընթացում։ Այս մասին ֆեյսբուքյան ուղիղ եթերում ասել է Նիկոլ Փաշինյանը։

«Եկեք պատկերազնենք մի իրավիճակ, որ ես գալիս և ասում եմ՝ գիտեք, մենք ունենք այսպիսի իրավիճակ, սա է մեր ընտրությունը։ Ինչու՞ դուք ասելու էիք՝ ինչ լավ բան ես ասում, բա որտեղ էիր այսքան ժամանակ, շուտ արա, մի բան արա այդ տարածքները վերադարձնենք, իհարկե չէիք ասելու, ասելու էիք՝ ոչ, ես էլ լինելի ձեր տեղը կասեի՝ ոչ և արդյունքում մենք ունենալու էինք նույն բանը»,- ասաց Փաշինյանը։

Նրա խոսքով՝ եթե ավելի շուտ լիներ պատերազմը, արդյունքները լինելու էին ավելի վատ՝ բազմաթիվ օբյեկտիվ և սուբյեկտիվ պատճառներով։

Նա նշեց, որ պատերազմից առաջ, երբ կար նախանշաններ, եթե որոշեր, որ պետք է կանխել այդ պատերազմը,ապա այդ ժամանակ էլ պետք է գար և ասեր, որ պետք է 5 շրջան հանձնել՝ առանց ԼՂ կարգավիճակը ճշգրտելու կամ պատերազմ է լինելու, իսկ թե ինչու չի ասել, նշեց, որ չէր ուզում այնդպես հանձնվել, հավատում էր, որ կարող ենք պայքարել։

«Երկրորդը՝ եթե սեպտեմբերի 1-ին կամ 2-ին գայի ասեի՝ գիտեք ինչ, կամ հիմա այս ենք անում, կամ էլ պատերազմ է լինելու։ Ինչ էր ասելու հայ հանրությունը, ասելու էր՝ ոչ, կգնանք, կկռվենք, կպաշտպանենք ժողովրդի իրավունքները»,- ասաց նա՝ հավելելով, որ ցավոտ փոխզիջում արտահայտությունը բավականին վատ արձագանք ունեցավ։

Նրա խոսքով՝ պատերազմը կանխելու պայմանը նույնն էր, այն է՝ 5 շրջանի վերադարձ՝ առանց ԼՂ կարգավիճակը ճանաչելու, այսինքն՝ ռազմաճակատի իրադրությունից չէր փոխվում։
Ավելին՝ Փաշինյանն ընդգծեց, որ պատերազմի մեկնարկից հետո խոսքը հինգ տարածքների մասին չէր լինելու, այլ յոթ՝ մանավանդ պատերազմի ինչ-որ փուլից։, ընդ որում՝ գնալով ավելի լայնացած սեգմենտով։

«Ինչո՞ւ այդ փուլերից որեւէ մեկում որեւէ նման որոշում չկայացվեց, շատ պարզ մի պատճառով․ մենք ուզում էինք բեկել պատերազմի ընթացքը, եւ ե՞րբ է, որ կայացվեց այսպիսի ցավոտ որոշում․ երբ արդեն ակնհայտ էր, որ մենք պատերազմի ընթացքը բեկելու հնարավորություն չունենք։ Եւ մեր առաջ դրված էր խնդիր՝ խուսափել վատթարագույնից։ Բայց ով է, որ Հայաստանում կհավատար, որ դա ճիշտ ճանապարհ է․ շատ քիչ մարդ, եւ այդ թվում ես էլ չէի հավատա»,- նշեց Փաշինյանը։

Աղբյուր` Փաստինֆո