Փաստ ինֆո

Ձեր ապաշնորհությունը որևէ մեկի վրա մի գցեք. զրո դիվանագիտություն, շարունակական կեղծիք, - հայտարարել է Զաքարիա Ծայրագույն վարդապետ Բաղումյանը` արձագանքելով «Իմ քայլական» պատգամավոր Վահագն Թեւոսյանի ֆեյսբուքյան գրառմանը: Նշենք, որ վերջինս ֆեյսբուքում գրել էր թե Ալիեւի հետ Փաշինյանի ստորագրած «կապիտուլյացիայի» հայտարարությունը պարտություն չէ, այլ «հաջողել ենք չպարտվել»

Վարդապետն ընդգծել է, որ չհաջողեցիք, որովհետեւ իշխանությունն ամեն անգամ սխալները նախկինների և ուրիշների վրա է գցել:

«Ձեր ապաշնորհությունը որևէ մեկի վրա մի գցեք. զրո դիվանագիտություն, շարունակական կեղծիք, (չնայած, երբ Արցախում էինք շատ բան պարզ դարձավ: Հրաշքով փրկվեցինք, վերադարձա Մայր Աթոռ և որևէ ստատուս էլ չգրեցի, քանզի վիրտուալն ու իրականությունը շատ տարբեր էին), անիմաստ հայտարարություններ, բառերի շռայլում. ժողովուրդը հիմար չէ: Որևէ տեղ չհաջողեցիք` ամեն անգամ Ձեր սխալները նախկինների և ուրիշների վրա գցելով: Հավաքվեք և Ձեր մեջ փնտրեք սխալները: Քեզ ճանաչելով` վստահ եմ, որ ամեն ինչ լավ հասկանում և գիտակցում ես: Ցավում եմ անկեղծորեն նաև Քեզ համար: Ինձ հետոն է ավելի մտահոգում.... շատ այլ բաներ եմ տեսնում: Փառք ու պատիվ տղերքին: Աստված պահապան մեր երկրին», - ֆեյսբուքում գրել է Վարդապետը:

Աղբյուր` Փաստինֆո