Փաստ ինֆո

Մեր բանակը և Արցախի քաղաքական ղեկավարությունը շատ հստակ խնդիր է ձեւակերպել, որ պետք է րոպե առաջ կանգնեցնել պատերազմը, հակառակ դեպքում հետևանքները կլինեն շատ ավելի ծանր,-քիչ առաջ ուղիղ եթերի ժամանակ ասաց Նիկոլ Փաշինյանը.

«Սա չափազանց դժվար որոշում է եղել, որը, գիտեինք, որ պետք է վրդովմունք առաջացնի, սակայն այլընտրանք ուղղակի գոյություն չուներ:Կա նաև այսպիսի հարց՝ ինչու սեպտեմբերի 27-ին նույն պայմաններով հրադադր չի կնքվել, մի պարզ պատճառով՝ սեպտեմբերի 27-ին զինադադարի պայմանները մնում էին նույնը՝ յոթ շրջանների վերադարձ»,-ասաց Փաշինյանը:
Ուղիղ եթերում Փաշինյանը նաև նշեց, որ նման քայլի գնացել է շատ պարզ պատճառով, որովհետեւ բանակի զեկույցները, կարծիքը, գնահատականը լսելով՝ ակնհայտ է դարձել, որ այսպես հետագա շարունակության հետեւանքները լինելու են շատ ավելի ծանր, և ինչքան էլ ծանր լինի՝ այս պահին պետք է ուղղակի կանգ առնեն:

Փաշինյանը, անդրադառնալով նաև այն հարցին, թե արդյոք հնարավոր էր խուսափել պատերազմից ասաց.

«Այս պատերազմից խուսափելու կար մեկ հնարավորություն՝ 5 շրջանների հանձնում՝ առանց Ղարաբաղի կարգավիճակի ճշգրտման: Սա եղել է բանակցային այն ժառանգությունը, որը մեր կառավարությունը ստացել է:Ցավոք սրտի, 94թ-ից սկսած բանակցային գործընթացում հստակ է եղել մի բան՝ 7 շրջանները պետք է հանձնվեն Ադրբեջանին»,-ասաց նա:
Փաշինյանը նաև հայտնեց, որ ԱԺ նախագահ Արարատ Միրզոյանին ծեծի ենթարկելու գործով կան կան ձերբակալվածներ.

«Իհարկե, այդ հանցագործության մեջ ներգրավված ոչ բոլոր անձիք են ձերբակալված, բայց կարևոր է արձանագրել, որ հանցագործների ձերբակալությունները սկսված են»,-ասաց նա:

Աղբյուր` Փաստինֆո