Փաստ ինֆո

Նիկոլ, իշխանության գալուց առաջ ասում էիր, որ ճակատագրական որոշումների ժամանակ, ներառյալ Արցախի հարցը, մարդկանց հավաքելու էիր հրապարակում և ներկայացնելու խնդիրը, սակայն, իրականում գիշերը թաքուն, աղետալի և խայտառակ փաստաթուղթը ստորագրել ես և հիմա շարունակում ես խաբել բոլորին, ֆռռցնել: Այս մասին ֆեյսբուքյան տեսաուղերձի ժամանակ նշել է ռեժիսոր և պրոդյուսեր Ռուբեն Մխիթարյանը։

«Նշում ես, որ 25 տարիների ընթացքում բոլոր փաստաթղթերում այդ 7 շրջանների մասին կետեր են եղել, Շուշին հանձելու մասի՞ն էլ է եղել, որ Արցախից մի փոքր հատված է մնալու, կամ որ Հայստանի միջով ճանապարհ է գնալու Նախիջևան, դա էլ է եղե՞լ փաստաթղթում»,- ասաց Մխիթարյանը։

Արցախի նախագահ Արայիկ Հարությունյանի տեսաուղեձից ռեժիսորի համար պարզ է դարձել, որ պատերազմի սկսվելուց 40-45 օր իրականությունը չի ներկայացվել, կեղծ իրականություն է ստեղծվել հասարակության մոտ:

«Դու մեզ խայտառակել ես, դու բաժանեցիր մեզ հազար մասի, հիմա հանկարծ չփորձեց ժողովրդին հանել իրար դեմ, չփորձես քո ապաշնորհ դիվանագիտության պատճառով մեղքը գցել բանակի վիզը, զինվորն ու սպան քո ապաշնորհության հետ կապ չունեն, իրենք առավելագույնն են արել: Այս պատերազմի ընթացքում հազարավոր հայերի արյուն է թափվել։ Նիկոլ, պատերազմը չտեղափոխես Հայաստանի փողոցներ, հային հայի դեմ չհանես հայը հայի արյուն Հայաստանում չի թափելու: Հեռացիր, եթե մեջդ մի փոքր հայ մնացել է, հանգիստ թող գնա»,- նշեց Մխիթարյանը։

Աղբյուր` Փաստինֆո