Փաստ ինֆո

Փաշինյանի ստորագրած հայտարարության կետերը բոլոր առումներով մեկը մյուսից խայտառակ են:Այս փաստաթուղթը երկրի անվտանգությունը մի քանի անգամ նվազեցնում է: «Փաստինֆո»-ի հետ զրույցում ասաց քաղաքագետ Վիգեն Հակոբյանը` նշելով, որ հնարավոր չէ առանձնացել, թե որ կետն է առավել վտանգավոր:

Ինչպես արդեն հայտնել էինք,ՀՀ վարչապետ Նիկոլ Փաշինյանը երեկ Ռուսաստանի և Ադրբեջանի նախագահների հետ Ղարաբաղյան պատերազմը դադարեցնելու մասին հայտարարություն է ստորագրել, որի համաձայն զինված ուժեր մնալու են իրենց զբաղեցրած դիրքերում ու մտնելու ռուսական խաղաղապահ ուժերը: Ավելին` միջանցք է տրամադրվելու Ադրբեջանին` Նախիջեւան գնալու համար:

Պայմանագրի կետերից մեկի համաձայն՝ հայկական կողմը պարտավորվում է հակառակորդին հանձնել Լաչինի շրջանը՝ պահպանելով Լաչինի միջանցքը՝ 5 կմ լայնությամբ, որը կապահովի Լեռնային Ղարաբաղի կապը Հայաստանի հետ և միևնույն ժամանակ չի շոշափի Շուշին:

Քաղաքագետ Վիգեն Հակոբյանի դիտարկմամբ՝ սա նեոօսմանիզմի վաղեմի նպատակներից է եղել, որպեսզի կարողանան կապել այն տարածաշրջանները, որոք մտնում են նեոսմանյան քարտեզների մեջ

«Այս առումով, իրենք այս պատերազմի արդյունքում նաև այս խնդիրն են լուծում, և այդ կետի տակ է այսօրվա ղեկավարի ստորագրությունը դրված»,-ասաց փորձագետը:
Քաղաքագետի համոզմամբ՝ պայմանագրի այս կետով՝ Սյունիքի մարզի տարածքները փաստացի այլ կարգավիճակ են ստանում.

«Պարզ է, որ եթե 26 տարի թշնամի երկրի հետ շփում չունեին մեր հարավային սահմանի բնակիչները , հիմա այս պատերազմի արդյունքում նրանց անվտանգության ձողը ավելի է իջել,և Սյունիքի մարզի տարածքները փաստացի այլ կարգավիճակի տարածքներ են, դրանից բխող խնդիրներով»,-ասաց Վիգեն Հակոբյանը:

Փորձագետը ընդգծեց նաև, որ Սյունիքը փաստացի թշնամի երկրի հետ սահմանային գոտի է դառնում:
«Դա Իրանը կամ Վրաստանը չի, դա թշնամի երկիր է՝ Ադրբեջան»,_ասաց քաղաքագետը` նշելով, որ սրանով սահմանային գոտին թշնամի երկրների հետ ընդլայնվում է , ինչն էլ իր բարդացնում է մեր կենսակերպը,.

«Այդ տարածքների անվանգությունը կախված է նրանից, թե ինչպես կվերահսկվեն, եթե ղեկավարվեն այնպես, ինչպես ներկայիս իշխանություններն էին ղեկավարում պատերազմական իրավիճակում, դա կբերի նաև այս տարածքների նկատմամբ վերահսկողության նվազեցմանը:

Երբ մենք ունենք սահման բարեկամ երկրների հետ դա խնդիր չէ, բայց եթե մի փոքր անգամ մեծանում է սահմանը թշնամի երկրի հետ, դա խնդիր է , ինչը այս պատերազմի արդյունքներից է բխում, և այն փաստաթղթից, որը ստորագրել է »,-մեզ հետ զրույցում ասաց Վիգեն Հակոբյանը:

Զրույցի վերջում քաղաքագետը նաև ընդգծեց, որ եթե ունենայինք ավելի արդյունավետ ռազմաքաղաքական իշխանություն, կայուն դիվանագիտություն, կայուն հարաբերություններ դաշնակիցների հետ, միգուցե չլիներ այն՝ինչ եղավ:

Աղբյուր` Փաստինֆո