Փաստ ինֆո

«Ռուսաստանը շարունակում է ակտիվ ջանքեր գործադրել Սիրիայում երկարաժամկետ խաղաղության կարգավորման եւ տարածքային ամբողջականության վերականգնման ուղղությամբ: Համատեղ ջանքերով մեզ հաջողվեց շատ բանի հասնել. միջազգային ահաբեկչության օջախը Սիրիայում փաստացի վերացված է, նկատելիորեն նվազել է նաև բռնության մակարդակը»,- այս մասին հայտնել է ՌԴ նախագահ Վլադիմիր Պուտինը Սիրիայի նախագահ Բաշար ալ-Ասադի հետ տեսակոնֆերանսի ժամանակ։ Հայտնում է Կրեմլինը։

ՌԴ նախագահը նշել է, որ հիմա, երբ Սիրիայում համեմատաբար խաղաղ է, լավ հնարավորություն կա փախստականների վերադարձն ապահովելու համար։
Պուտինը շեշտել է այս գործընթացի` «բնականոն հունով, առանց պարտադրանքի» ընթանալու կարեւորությունը: «Յուրաքանչյուր սիրիացի պետք է ինքնուրույն որոշում կայացնի` հավաստի տեղեկատվություն ստանալով իր հայրենիքում տիրող իրավիճակի մասին, այդ թվում` Սիրիայի ղեկավարության կողմից խաղաղ կյանքի հաստատման ուղղությամբ ձեռնարկված քայլերի վերաբերյալ»,- ամփոփել է Ռուսաստանի առաջնորդը` դիմելով Բաշար Ասադին:

Պուտինը նշել է, որ ավելի քան 6.5 միլիոն փախստական է մնում Սիրիայի սահմաններից դուրս, նրանց մեծ մասը կարող էր մասնակցել երկրի վերակառուցման աշխատանքներին: Ձեռնարկված ջանքերն արդյունք են տալիս ։ Վերադարձել է ավելի քան 850.000 սիրիացի։ Մշտական բնակության վայր է վերադարձել ավելի քան 1.300.000 մարդ, չնայած որ երկրում դեռ զգալի է աղետի հետևանքները։

Աղբյուր` Փաստինֆո