Փաստ ինֆո

Թուրքիան 100 տարի անց նորից ներխուժեց Անդրկովկաս՝ և՛ ռազմական առումով, և՛ աշխարհաքաղաքական առումով, սա իրականություն է, իսկ իրականությունը պահանջում է նաև համապատասխան վերադասավորումներ,- «Փաստինֆո»-ի հետ զրույցում ասել է ԱՀ նախագահի խորհրդական Դավիթ Բաբայանը:

Ինչպես արդեն տեղեկացրել ենք CNN Turk հեռուստաալիքն այսօր տեղեկություն էր տարածել առ այն, որ Էրդողանը ՌԴ նախագահին առաջարկել է ստեղծել աշխատանքային խումբ` Լեռնային Ղարաբաղի հարցի վերաբերյալ:

Մեկնաբանելով Էրդողանի այս նախաձեռնությունը` Դ.Բաբայանը նշել. «Անդրկովկասում տեղի են ունենում շատ խորը աշխարհաքաղաքական տրանֆորմացիաներ, և մենք միշտ էլ ասել ենք, որ Թուրքիան 100 տարի անց նորից ներխուժեց Անդրկովկաս՝ և՛ ռազմական առումով, և՛ աշխարհաքաղաքական առումով, սա իրականություն է, իսկ իրականությունը պահանջում է նաև համապատասխան վերադասավորումներ, մենք տեսնում ենք այն ինչ կա, և այն ինչ պետք է լինի:

Մեծ պետությունները պետք է նաև իրականության հետ առերեսվեն և ըստ այդմ փոփոխություններ մտցնեն իրենց մարտավարության մեջ, ինչը մենք պրակտիկորեն տեսնում ենք: Եթե վերադասավորվածությունները լինում են, աշխատախումբը և այլն միայն տեխնիկական խնդիրներ են, տարբերություն չկա՝ ով է առաջարկել, հարցն այն է, որ կան աշխարհաքաղաքական նոր վերադասավորվածություններ, պետք է սա հաշվի առնել, վիրտուալ կյանքով չապրել»:

Աղբյուր` Փաստինֆո