Փաստ ինֆո

Ովքեր և ինչ կողմերի դրդմամբ են պատերազմական իրավիճակում ներքաղաքական բախումներ հրահրում, վերջին բառերով հրապարակավ արտահայտվում երկրի ղեկավարի, առաջին տիկնոջ, իրենց զավակի և ՀՀ ՊՆ ներկայացուցչի մասին ու սլաքներն ուղղորդում այլ մարդու ուղղությամբ, ովքեր են կանգնած պատերազմի առաջին օրերից Արցախում գտնվող ԱԺ աշխատակազմի գլխավոր քարտուղար Արա Սաղաթելյանի դեմ կեղծ մեղադրանքների հետեւում:

Ինքը` Արա Սաղաթելյանի գնահատմամբ` կեղծ տեղեկատվությունը տարածվել է քաղաքական նպատակներով, որն իր մեջ պետական դավաճանության տարրեր է պարունակում: Իսկ ֆեյսբուքյան օգտատեր Ալեքսեյ Չալաբյանը` հարցի վրա հրավիրել է ԱԱԾ-ի ուշադրությունը` բացահայտելով կատարված կեղծիքի մեխանիզմը:

Այսպես` ֆեյսբուքյան օգտատեր Տարոն Չախոյանը ֆեյսբուքյան իր էջում տեսանյութ է հրապարակել, թե «Արա Սաղաթելյան» անունով էլեկտրոնային հասցեից այլ էլեկտրոնային հասցեների նամակներ են ուղարկվում՝ իշխանության ներկայացուցիչների վերաբերյալ որոշակի գրառումներով, սակայն ավելի հետաքրքիր էր հենց Չախոյանի մեկնաբանությունը։ Վերջինս նշել էր, թե դավաճան ֆեյքատերերը հայտնի են։
Տեսանյութի կեղծ լինելու հանգամանքը նաև ակնհայտ է դառնում հասարակ վերլուծությամբ, որն իրականացրել է Ալեքսեյ Չալաբյանը։ « Ինչ-որ մութ, կամ ավելի ճիշտ մԱԶութ ուժեր սարքել են ներքաղաքական վիդեո, որին սկզբից ես էլ քիչ էր մնում ինքս հավատայի։ Եվ որին հավատացել են տեխնիկապես և մեդիագրագետ ֆրենդերս», - արձանագրել է Չալոյանը ու վերլուծելով ցույց տվել տեսանյութի կեղծ լինելը:

«Եթե նայենք այս հոլովակի նշված վարկյաններին ու ուշադրություն դարձնենք նամակների ամսաթվերին, կտեսնեք սենց ամսաթվեր՝ 0:22 "5 Nov 2020, 21:03" 0:53 "We, 28 Oct, 07:23" 1:00 "2 Nov 2020, 00:49"։ Այլ կերպասած՝ ամսավերի ֆորմատը տարբերվում է, նամակից նամակ։ «Gmail-ը միշտ շաբաթվա օր է դնում այստեղ, մինչ ամսաթվի մնացած մասը», - նշել է մասնագետն ու ավելացրել.

* Gmail-ը շաբաթվա օրը 3 տառանոց հապավումով է նշվում՝ "Wed" ոչ թե երկտառ "We" ինչպես ֆեյք վիդեոյում»։ Բացի դա՝ չկա նույն էջում, ինտերֆեյսի նույն հատվածում ամսաթիվ ֆորմատի նման անհամապատասխանության «բնական» բացատրություն, ինչից կարող ենք պնդել, որ Էջի պարունակությունը ձեռքով ձևափոխվել է։

«Սա նաև պատասխանում է այս հարցին, թե «ի՞նչ է նստել մի ամիս հա նամակ էին ուղարկում, որ սենց բան հավաքեն»։ Ոչ, մի ամիս ամեն օր չեն աշխատել իհարկե։ Ձևափոխել են նամակների ամսաթվերը ձեռքով՝ համապատասխանացնելով ֆեյքերի գրառումների ժամերին»,-նշել է Չալաբյանը՝ ավելացնելով, որ ցանկացած դպրոցական կարող է այդ «ֆոկուսը» կրկնել, սակայն դա էլ իր հերթին ունի թույլ կողմ։ Մասնավորապես, նամակների ցանկում կարող ենք ձևափոխել, ամեն ինչ ճիշտ է երևում, սակայն հենց նամակը բացելու դեպքում, ողջ «մագիան» անհետանալու է՝ ցուցադրվելու է իրական նամակը՝ իրական ամսաթվերով, ուղարկողի տվյալներով, բովանդակությամբ, ինչը սահակն ևս հնարավոր է կեղծել, բայց դա արդեն շատ ավելի փորձ ու գիտելիք է պահանջում։ Այդ պարագայում էլ կարող է օգնության հասնել մոնտաժը, պարզապես անհրաժեշտ է սկզբում նկարել նամակների ցանկի տեսանյութը, հետո նկարել 3 նամակները, հետո 3 նամակների հատվածները տեղադրել ընդհանուր ցանկի արանքներում, իբր քլիք ենք արել ու նամակ բացել։

«Ուշադիր նայեք՝ 00։15, 00։50, 00։58 վարկյաններին տեղի ունցեղ «անցումներին»։ Ամեն նամակ բացելուց, ու կտեսնեք, որ պատկերը թռնում է, նկարահանման անկյունը փոխվում է, ու ոչ էլ առանձնապես փորձել են թաքցնել մոտնաժի հետքերը։ "Пипл схавает?"»,-գրել է Չալաբյանը։

«ՀՀ ազգային անվտանգության ծառայությանը կոչ եմ անում ստուգել ովքեր և ինչ կողմերի դրդմամբ են պատերազմական իրավիճակում ներքաղաքական բախումներ հրահրում, հայերին հանում հայերի դեմ, և ովքեր էին իրականում վերջին բառերով հրապարակավ արտահայտվում երկրի ղեկավարի, առաջին տիկնոջ, իրենց զավակի և ՀՀ ՊՆ ներկայացուցչի մասին, դա վերագրելով այլ մարդու», - նշել է նա։

«Ինձ համար ակնառու են թե՛ կատարողները, թե՛ պատվիրատուները։ Ես դիմել եմ համապատասխան պետական պաշտոնյաներին, որպեսզի միջոցներ ձեռնարկեն և հայտնել եմ, որ ծայրից ծայր զրպարտություն հանդիսացող այդ ստոր կեղծիքը անհետևանք չի մնալու», - հայտարարել է ԱԺ նախկին գլխավոր քարտուղար Արա Սաղաթելյանը` նշելով, որ իրեն վերագրվող կեղծ նամակների տարածումը հետապնդում է քաղաքական նպատակներ:

Արա Սաղաթելյանը պետական դավաճանություն էր որակել պատերազմի այս ծանր պահին ակնհայտ կեղծիքով ներքին թշնամանք հրահրելու և թիկունքը թուլացնելու ցանկացած փորձ:

Հարցն արդեն տեղափոխվել է իրավական տիրույթ: Արա Սաղաթելյանի փաստաբանն արդեն հանցագործության մասին հաղորդում է ներկայացրել՝ սուտ մատնության հատկանիշներով։ Փաստաբանն արձանագրել է, որ սույն թվականի նոյեմբերի 7-ին ֆեյսբուքյան օգտատեր Տարոն Չախոյանի կողմից իմ վստահորդ Արա Սաղաթելյանի վերաբերյալ կատարված ֆեյսբուքյան գրառումն առերևույթ պարունակում է սուտ մատնության հատկանիշներ:

Առաջիկա օրերին նույն անձի նկատմամբ ներկայացվելու է նաև զրպատության վերաբերյալ հայցադիմում:

Փաստաբան Հակոբ Ենոքյանն ընդգծել է, որ անզեն աչքով տեսանելի է, որ ֆեյսբուքյան օգտատիրոջ կողմից հրապարակված նամակագրության տեսանաձայնագրությունում պարունակվող տեղեկատվությունն առերևույթ կեղծ է:

Աղբյուր` Փաստինֆո