Փաստ ինֆո

Մենք այս պահին շարունակում ենք կերտել մեր պատմությունը և հստակ գիտենք, ե որտեղ ենք գնում։ Մենք չենք կարող այս օրերին առանց ուսուցման թողնել մեր աշակերտներին, վնասել նրանց ապագան, որովհետև նրանք ուշադրության խիստ կարիք ունեն։ Այս մասին հրավիրված ասուլիսին ասել է ԱՀ ԿԳՄ նախարար Լուսինե Ղարախանյանը։

Նախարարը մտահոգություն հայտնեց առ այն, որ թուրք-ադրբեջանական և միջազգային ահաբեկչական համատեղ դաշինքով սանձազերծված պատերազմի հետևանքով ունենք 70 և ավելի ավերված դպրոց, 10 և ավելի մանկապարտեզներ, 10 և ավելի մշակութային օջախներ և այս պատերազմի հետևանքով 24,000 դպրոցական մնացել է առանց ուսման։

Նրա փոխանցմամբ՝ խախտվել է մոտ 30,000 սովորողի իրավունքը, այդ թվում՝ դպրոցականների, նախադպրոցահասակ երեխաների, ուսանողների։

«Իհարկե, մենք կարծում էինք, որ օր առաջ կվերադառնանք հայրենիք, բայց քանի որ պատերազմական գործողությունները շարունակվում են և հնարավորություն չունենք կրթության որևէ ձևով, որևէ մակարդակում կրթություն կազմակերպել մեր աշախերտության և ուսանողության համար Արցախում, ուստի որոշել ենք առաջիկայում՝ մինչև պատերազմական գործողությունների ավարտը Հայաստանում ապաստան գտած աշակերտների և ուսանողների կրթությունը կազմակերպել այստեղ»,- նշեց նա՝ հավելելով, որ ՀՀ ԿԳՄՍ նախարարության հետ համատեղ արդեն սկսվել աշակերտների հաշվառման գործընթացը։

Աղբյուր` Փաստինֆո