Փաստ ինֆո

Աշխարհահռչակ System of a Down ռոք խումբը 15 տարվա դադարից հետո նոր երգ է թողարկել։ Այս մասին տեղեկացրել է խմբի վոկալիստ Սերժ Թանկյանը։

Երկու երգերը ՝ «Protect The Land» և «Genocidal Humanoidz», խոսում են սարսափելի և լուրջ պատերազմի մասին, որն իրականացվում է Արցախի և Հայաստանի դեմ։

Թանկյանը գրել է, որ Ադրբեջանում Ալիևի և Թուրքիայում Էրդողանի կոռումպացված վարչակարգերը ոչ միայն ուզում են Արցախն ու Հայաստանը որպես իրենցը հայտարարել, այլ կատարում են ցեղասպանական գործողություններ՝ իրենց առաքելությանը հասնելու համար և դրա համար ոչ մի պատիժ չեն ստանում։

«Նրանք իրենց վայրագությունները կատարում են այն ժամանակ, երբ աշխարհը զբաղված է COVID- ով, ընտրություններով և քաղաքացիական անկարգություններով: Նրանք ունեն ռեսուրսներ և իրենց կողմ են ներգրավել հասարակայնության հետ զանգվածային միջոցներին ՝ ճշմարտությունն ու ցեղասպանության իրենց բարբարոսական նպատակը քողարկելու համար»,- գրել է Թանկյանը։

«Protect The Land» տեսահոլովակում խմբի անդամներն օգտագործել են մեկ ամսից ավելի շարունակվող ադրբեջանա-թուրքական ագրեսիայի հետևանքով Արցախի ավերածությունների, այնտեղ կռվող զինվորների ու բուժաշխատողների աշխատանքից դրվագներ։ Երգի տեսահոլովակի հաղորդագրությունն է ՝ յուրաքանչյուր հայ կատարում է անձնվեր աշխատանք՝ պաշտպանելով հայրենիքը։

Ըստ երաժշտի՝ Ադրբեջանի ու Թուրքիայի համար խոսքի ազատությունն արժեք չունի։

«Մենք այստեղ ենք ՝ պաշտպանելու մեր հողը, պաշտպանելու մեր մշակույթը և պաշտպանելու մեր ազգը: Աչք փակելու ժամանակը չէ։ Որպես SOAD, սա անհավանական առիթ է ամեն ինչ մի կողմ դնելու և մեր ազգի համար ձայն բարձրացնելու, որպես միասնական չորս հայ տղաներ»։

«Protect The Land» – ը և «Genocidal Humanoidz» – ն այժմ հասանելի են մեր պաշտոնական էջում, որի ողջ հասույթը կփոխանցվի Հայաստան համահայկական հիմնադրամին։

Աղբյուր` Փաստինֆո