Փաստ ինֆո

Ռուս-թուրքական հարաբերություններում առկա է լարվածություն, ինչը նկատվում է թե Սիրիայում, թե հռետորանաբնության մեջ եւ թե տնտեսական քաղաքականության մեջ: Այս մասին «Փաստինֆո»-ի եթերում ասել է արաբագետ Արմեն Պետրոսյանը:

Փորձագետն արձանագրել է, որ ռուս-թուրքական հարաբերությունները պատմականորեն ունեցել են դիրքային փոփոխության տրամաբանական ընթացք՝ մերթ պատերազմական, մերթ բարեկամական և մրցակցային:

«Հիմա մենք տեսնում ենք բավականին լարված մթնոլորտ երկու երկրների միջև, որը դրսևորվում է ոչ միայն Հարավային Կովկասում, այլեւ Սիրիայում, ինչպես նաև Ռուսաստանի հռետորաբանության, տնտեսական քաղաքականության մեջ:Միանշանակ լարվածության փուլ է այս երկրների հարաբություններում, և որքան էլ սա փորձեն երկուստեք քողարկեն , այնուամենայնիվ, ակնհայտ է», - նշել է բանախոսն ու ավելացրել, որ արցախյան պատերազմի մեկնարկից հետո , հատկապես վարձկան ահաբեկիչների համատեքստում, Ռուսաստանը ակտիվացել է Սիրիայում, և եթե նայենք ռուսական օդուժի գործողությունները, դրանց քաղաքական ուղերձը ավել մեծ է` ուղղված Թուրքիային, քան դրա հակաահաբեկչական նշանակությունը»,-ասաց Արմեն Պետրոսյանը:

Վերջինիս խոսքով՝ եթե Թուրքիան փորձի Սիրիայում համարժեք պատասխան տալ Ռուսաստանին, ապա չի բացառվում, որ Թուրքիան ուղիղ հարվածը ստանա Արցախում:

Արձանագրելով, որ սա արդեն Ադրբեջանի խաղը չէ, այլ Թուրքիայի` արաբագետը նշել է, որ Ադրբեջանի պարտությունը Թուրքիայի պարտությունն է, իսկ Հայաստանի պարտությունը` Ռուսաստանինը»: Ըստ նրա` պատերազմն այս մասշտաբների չէր հասնի, եթե չլիներ Էրդողանի համակողմանի աջակցությունը Ալիևին և այսօր Ալիևը չունի շանսեր Էրդողանի ահռելի մեծ ազդեցությունից դուրս գալու համար .
«Ադրբեջանի և Թուրքիայի բլիցկրիգի պլանը տապալվել է և դրանով է պայմանավորված, որ Ադրբեջանի բարձրաստիճան զինվորականները հեռացվել են կամ առժամանակ զիջել են թուրք զինվորականներին:Մեր թշնամին խնդիր ունի ցանկացած գնով հասնել հաղթանակի, նրանց համար նպատակ է առանց ինչ-որ բան խնայելու հասնել իրենց առաջադրած նպատակին:Հակառակորդը իր զնիծառայողներին , վարձկաններին առանց խնայելու ուղարկում է թնդանոթի միս դառնալու»,-ասաց Արմեն Պետրոսյանը:

Մանրամասները տեսանյութում

Աղբյուր` Փաստինֆո