Փաստ ինֆո

Արցախի անտառները կլիմայական փոփոխությունների և մարդկանց գործունեության հետևանքով կրճատվել են, և հիմա իրավիճակ է, որ դրանց ավելի կրճատումը կբերի անդառնալի կորուստների՝ ինչպես տարածաշրջանային առումով, այնպես էլ համաշխարհային, քանի որ Կովկասը համարվում է կենսաբազմազանության թեժ կետերից մեկը,-այս մասին ճեպազրույցի ընթացքում ասաց կենսաբանական գիտությունների թեկնածու Իվան Գաբրիելյանը:

«Արցախի բուսականություն ուսումնասիրողները նշել են բառացիկ հարուստ ֆլորան: Կովկասի տարածաշրջանում աճում է մոտ 6500 տեսակի անոթավոր բույս, որոնցից 2200-ը աճում է Արցախում, այսինքն 1/3-ը աճում է Արցախում»,-ասաց փորձագետը:

Կենսաբանը նաև նշեց, որ Արցախի բուսականությունը կենսաբազմազան է, հարուստ է տարբեր օրգանիզմներով և բակտերիաներով, որոնք խիստ անհրաժեշտ են բնությանը, և դրանց խախտումը ազդելու է ողջ էկոհամակարգի վրա,նպաստելու է հիվանդությունների շատացմանը:

Ճեպազրույցի ԵՊՀ օրգանական քիմիայի ամբիոնի ուսումնական լաբորատորիայի վարիչ Նաղաշ Միրաքյանը, անդրադառնալով սպիտակ ֆոսֆորի կիրառմանը, նշեց, որ սպիտակ ֆոսֆորը հեշտությամբ մաշկով անցնում է օրգանիզմ, եթե անձը վիրավորվել է սպիտակ ֆոսֆորից , նրան չի կարելի դիպչել , քանի որ օգնություն ցույց տվողը նույնպես կարող է վիրավորվել .

«Պետք է անպայման ունենալ ակնոց և փակել շնչուղիները, քանի որ աչքերով և բերանի լորձաթաղանթով սպիտակ ֆոսֆորը կարող է ներթափանցել օրգանիզմ՝ կուտակվել լյարդում, թոքերում, փայծաղում, կարող է հանգեցնել նաև ոսկրային հիվանդությունների»:
Մասնագետը նշեց, որ սպիտակ ֆոսֆորի այրվածքների դեպքում ֆոսֆորը կարելի է չեզոքացնել կալիումի պերմանգանատով (մարգանցովկա) կամ ջրածնի պերօքսիդով:

Աղբյուր` Փաստինֆո