Փաստ ինֆո

Չի բացառվում, որ կրոնական բախումներ լինեն Ադրբեջանի բնակչության շիական զանգվածի և ահաբեկչական խմբավորումների միջև, որոնք սուննիական ուղղվածության են,-այս մասին «Փաստինֆո»-ի հետ զրույցում ասաց ադրբեջանագետ Տարոն Հովհաննիսյանը:

Նշենք, որ արդեն տարբեր աղբյուրներ հաղորդում են ադրբեջանցի շիական սպաների վրդովմունքի մասին, որ ռազմաճակատում իրենց մարդկանց փաստացի ղեկավարում են թուրք հատուկ ծառայությունները եւ թուրքամետ ահաբեկչական խմբավորումների դաշտային հրամանատարները՝ արմատական սուննիական ուղղվածությամբ

«Փաստինֆո»-ի հետ զրույցում ադրբեջանագետ Տարոն Հովհաննիսյանը չբացառեց, որ հնարավոր է լինեն կրոնական բախումներ Ադրբեջանի բանակի ներսում, բայց առավել հավանական համարեց, բախումներն Ադրբեջանի շիական ուղղվածության կրոնական զանգվածի և սիրիացի ահաբեկիչների միջև, որոնք սուննիական իսլամի հետևորդներ են.

«Չի բացառվում, որ Ադրբեջանում կրոնական խնդիրներ առաջանան, սակայն ավելի հավանական է, որ բախումներ լինեն Ադրբեջանի բնակչության կամ բանակի և ահաբեկչական խմբավորումների միջև, որոնք սուննիական ուղղվածության են և պատկանում են ծայրահեղական խմբավորումների, իսկ Ադրբեջանում կա շատ ակտիվ շիական զանգված: Առհասարակ, Ադրբեջանում կրոնական հատվածի ստվար զանգվածը շիաներն են, այսինքն՝ չի բացառվում, որ նմանատիպ կրոնական խնդիրներ առաջանան և ծայրահեղական խմբավորումները ինչ-որ քայլեր կատարեն»,-նկատեց զրուցակիցը:

Նրա դիտարկմամբ՝ Թուրքիայի կողմից Ադրբեջանին տրամադրվող աջակցությունը մեծացնում է կախվածությունը Թուրքիայից և զրկելու է Ադրբեջանին սուվերենության բաղադրիչից, ինչպես նաև ինքնուրույն որոշումներ կայացնելու հնարավորությունից.

«Արդեն փաստ է, Թուրքիայի զինված ուժերը ոչ միայն նախագծել են ռազմական գործողությունները, այլ նաև ղեկավարում են այդ գործողությունների ընթացքը ՝ հաշվի առնելով դրանց տրամաբանությունը, ինչպես նաև սիրիական վարձկանների ներգրավածությունը, որոնք գտնվում են Թուրքիայի վերահսկողության ներքո են: Այս ամենը ցույց է տալիս, որ Թուրքիայի զինված ուժերը, համենայնդեպս մշակման և մարտավարության իրականացման փուլում, ռազմական գործողությունները վերցրել են իրենց ձեռքը: Սա մեծացնում է Ադրբեջանի կախվածությունը Թուրքիայից և զրկում է Ադրբեջանին տարբեր մակարդակներում գործողությունների ինքնուրույնությունից, ինչը գնալով խորանալու է:Թուրքիան միգուցե նման ծրագրեր ունի Ադրբեջանի հետ կապված: Թուրքիայի նմանատիպ օգնության պայմաններում՝ սուվերենության որոշակի բաղադրիչից Ադրբեջանը զրկվում է և Թուրքիան աստիճանաբար թելադրող է դառնում, քանի որ Ադրբեջանը պարտական է Թուրքիային ռազմական, տեխնիկական և մնացած օգնությունների համար, առանց որի նրանք չէին կարողանա որևէ նորմալ գործողություն իրականացնել»,-ասաց Տարոն Հովհաննիսյանը:

Աղբյուր` Փաստինֆո