Փաստ ինֆո

ՀՀ Մարդու իրավունքների պաշտպանի գրասենյակում ստացվող բողոքների թիվը կտրուկ աճել է։ Թվային տվյալներն այսօր ԱԺ-ում ներկայացրել է Մարդու իրավունքների պաշտպանը։

Այսպես՝ եթե 2016 թվականին 5113 բողոք է եղել, 2017 թվականին՝ 6417, ապա 2020 թվականի միայն հոկտեմբերի 31-ն դրությամբ արդեն 8500՝ բողոք՝ 12 հազար անձի վերաբերյալ:

Նշենք, որ ՄԻՊ Արման Թաթոյանն ԱԺ է գնացել՝ մասնակցելու ՀՀ ԱԺ Մարդու իրավունքների պաշտպանության և հանրային հարցերի, ֆինանսավարկային և բյուջետային հարցերի հանձնաժողովների համատեղ նիստին։

«Մենք ունենք 3 անգամ աճ դրական լուծված գործերում»,-հայտնել է նա ու նշել, որ
սեպտեմբերի 27-ից սկսված ՄԻՊ-ի աշխատանքը կենտրոնացած է առավելապես Հայաստանի և Արցախի նկատմամբ Ադրբեջանի զինված ուժերի հարձակման ուղղությամբ։

Նրա արձանագրմամբ՝ Ադրբեջանը մտադրված, թիրախային վնասներ է հասցնում խաղաղ բնակավայրերին և պետք է հասկանալ, վերլուծել, գտնել սրա իրական դրդապատճառները, մոտիվները, մտադրությունները: Նա նկատեց, որ թիրախային զինված հարձակումներ են տեղի ունենում խաղաղ բնակավայրերի ուղղությամբ, զինված հարձակումներ՝ արգելված զինատեսակներով․ խոսքը նաև քիմիական տարրեր պարունակող զանգվածային ոչնչացման զենքի օգտագործման մասին է:

ՀՀ ՄԻՊ-ը նշեց, որ Ադրբեջանում հայատյացությունը ունի պետական աջակցություն, քաղաքական բարձր մակարդակով խրախուսվում է։ Նա ասաց, որ ռազմագերիների նկատմամբ վերաբերմունքը պատերազմական հանցագործություններն են, մարդկայության դեմ ուղղված հանցագործություններ: «Միջազգայինորեն հաստատված փաստ է, որ կան Արցախի դեմ զինված հարձակումների մասնակցող ահաբեկիչներ և ջիհադիստներ, նրանք կատարում են պատերազմական հանցագործություններ և դաժանություններ, պատրաստվում են իրենց ահաբեկչական գործողությունները շարունակել այլ երկրներում»,-ասաց նա:

Աղբյուր` Փաստինֆո