Փաստ ինֆո

Ֆոսֆորը կարող է հանդես գալ երեք ալոտրոպ ձևերով՝ սպիտակ ֆոսֆոր, կարմիր և սև ֆոսֆոր, որոնցից ամենավտանգավորը համարվում է սպիտակ ֆոսֆորը, քանի որ այն օդի թթվածնի միջավայրում այրվում է՝ առաջացնելով մոտ 1300 աստիճան ջերմաստիճան։ Այս մասին հրավիրված ասուլիսին ասել է ԵՊՀ օրգ.քիմիայի ամբիոնի ուս. լաբորատորիայի վարիչ Նաղաշ Միրաքյանը։ 

Միրքայանը հայտնեց, որ սպիտակ ֆոսֆորն այրվելով առաջացնում է գազ, որը խոնավույթւոն կլանելով, անմիջապես դառնում է օրտոֆոսֆորական թթու։

Նրա խոսքով՝ այրման ժամանակ երևացող գազը դառնում է թթու և թափվում հողի վրա, ինչն էլ երկարաժամկետ հետևանքներ է ունենալու և այն տարածքում և շրջակա տարածքներում, որտեղ օգտագործվել են այդ ռումբերը, ամբողջ բիոֆլորան փոխվելու է։
Սպիտակ ֆոսֆորն օգտագործվել է մի շարք պատերազմներում՝ առաջին համաշխարհային պատերազմում, Վիետնամում, Չեչնիաի պատերազմում, Իսրայելալիբանանյան բախումներում։ Միրաքյանն ընդգծեց, որ ֆոսֆորի ազդեցությունն օրգանիզմի վրա շատ աղետալի է, այն երկար ժամանակ կարող է մնալ օրգանիզմում և ունենալ աղետալի հետևանքներ, նույնիսկ՝ գենետիկ։

«Քանի որ օրգանիզմում կան նուկլեոտիդներ և նուկլեյնաթթուներ, որոնք կազմված են ֆոսֆորից, սպիտակ ֆոսֆորը, մտնելով օրգանիզմ, տեղակայում է տվյալ ֆոսֆորը և այդ նուկլեոտիդները և նուկլեյնաթթուն պարզապես փոխվում են։ Մահացու քանակությունը՝ 50-150 միլիգրամ է՝ առողջ և հասուն մարդու համար»,- ասաց նա՝ ընդգծելով, որ սպիտակ ֆոսֆորն արգելված է միջազգային մի շարք կոնվենցիաներով։

Աղբյուր` Փաստինֆո