Փաստ ինֆո

Երբ տեղեկատվություն տարածվեց, որ զինվորական հագուստների գներն ավելացել են, անմիջապես փորձեցինք հասկանալ՝ ինչու է դա տեղի ունեցել։ ԱԺ-ում լրագրողների հետ զրույցի ժամանակ այս մասին ասաց ՏՄՊՊՀ նախագահ Գեղամ Գևորգյանը։

«Բնականաբար մենք նայում ենք մասնագիտացված խանութները, որոնք շուկայում որպես տնտեսվարող սուբյեկտ գոյություն ունեն և հայտնաբերեցինք, որ նույնական ապրանքը, որը վաճառվում էր X դրամով շատ դեպքերում չէր թանկացել։ Չկար դեպք, որ թանկացել էր, նույնիսկ կար դեպք, որ էժանացրել էին։ Հրապարակեցինք այդ մասնագիտացված սրահների տեղեկատվությունը և գները, որ հանրությունն իմանա՝ որտեղ ինչ գնով են վաճառվում»,-ասաց Գեղամ Գևորգյանը։

Վերջինս նշեց, որ մի դեպքում խոսքը գնում էր զինվորական ճտքավոր կոշիկի գնի թանկացման մասին․ «9000-19000 դրամի մասին էր խոսքը գնում։ Պարզվեց, որ կա և՛ 9000 դրամանոց, և՛ 19000 դրամանոց, ուղղակի տարբեր արտադրանքներ են և այն խանութում, որի վրա բողոք կար, երկուսն էլ դրված էին»,-ասաց ՏՄՊՊՀ նախագահը՝ ընդգծելով, որ կարևոր է ապրանքների միջև ճիշտ համեմատություն կատարել։

Աղբյուր` Փաստինֆո