Փաստ ինֆո

ՊԲ-ն տեսանյութ է հրապարակել՝ ադրբեջանական էլիտար հատուկ ջոկատայինների ոչնչացման վերաբերյալ։ 

Նշենք, որ հարավ-արևելյան ճակատային գծում տեղի ունեցած և շարունակվող մարտական գործողությունների արդյունքում ՊԲ-ի ուժերն ու կամավորականները հակառակորդի համար «դժոխք» են կազմակերպել մեր անտառներում և ձորերում՝ ոչնչացնելով թշնամական ահաբեկչական խմբավորումը։

Թաղավարդի մոտ տեղի ունեցած մարտական գործողությանը մասնակցած հայորդիները պատմել են. «Մեր գյուղի տղաներով եկել ենք բարձրացել, հետևից նռնականետով խփել, այդ մի տեխնիկան այդտեղ ենք վառել, մեջը զոհ են թողել, մի քանիսը փախել են, կրակել ենք, վերևում ընկած են։ Մյուսն էլ՝ տղաներն են գնդացիրով կրակել են, շուռ է եկել»,- ասում է նա։

Նրանք պատմում են, որ խմբավորումներում հիմնականում ընդգրկված են վարձկան ահաբեկիչներ, մի քանի անգամ հարձակումներ են եղել, սակայն յուրաքանչյուր գրոհ հետ է շպրտվել՝ հրամկազմի և զինծառայողների շնորհիվ։

«Քանի որ պաշտպանում ենք մեր հողը, մեզ համար ավելի հեշտ է»,- ասաց նա՝ ընդգծելով, որ, եթե նույնիսկ որոշ տարածքներ հանձնվել են, կարճ ժամանակահատվածում կվերադարձվեն։

Տղաները վստահեցնում են՝ ամուր կանգնած են, կան շատ կամավորներ, որոնք մինչև վերջին կաթիլ արյունը պատրաստ են պաշտպանել հողը հայրենի և ոչ մի ոտնձգություն չի ստացվի։

Աղբյուր` Փաստինֆո